Policia greke bëri të ditur arrestimin e shqiptarit Rizaj

Alket Rizaj ishte arratisur dy herë në mënyrë spektakolare, duke përdorur helikopter.

Korrespondenti i BBC-së thotë se ai u kap në zonën e Sheshit pranë kryeqytetit grek, në një banesë ku po jetonte që prej arratisjes së tij nga burgu, në shkurt të këij vitit.

Arratisja e tij dhe e një të shumëkërkuari tjetër grek, Vasilis Paleokostas, kishte bërë bujë të madhe. Arratisja u realizua me helikopter. Po me helikopter ata ishin arratisur edhe në qershor 2006, për të rënë në duart e policisë 3 muaj më vonë.

Bashkë me Rizajn u arrestua edhe një mikeshë e tij që thuhet se kishte organizuar arratisjen e dytë. Sipas të dhënave të para janë arrestuar edhe dy persona të tjerë.

Në operacion morën pjesë forca të shumnta policore. Në banesën e tij u gjet një automatik kallashnikov, dy pushkë dhe një granatë dorë. Autoritetet thanë se ai nuk bëri asnjë rezistencë.

Arratisja e dytë e Rizajt, në shkurt të këtij viti, ndodhi vetëm një ditë para se ai të dilte në sallën e gjyqit. Ai akuzohet për të paktën një vrasje dhe një sërë grabitjesh.