Muharrem Nitaj Korrespondent i BBC-së, Prishtinë

	Do të ketë mbi 100 vëzhgues të huaj e afro 20 mijë vendorë

Kryetarja e Komisionit Qendror të Zgjedhjeve, zonja Nesrin Lushta, dy orë më vonë, ka deklaruar se ka fare pak vendvotime të cilat nuk janë hapur. Ajo ka thënë se vendvotimet kryesisht nuk janë hapur në veri të Kosovës, në komunat me shumicë serbe por, sipas saj, tashmë ka filluar aplikimi i votimit alternativ, duke shfrytëzuar ekipet e lëvizshme.

Liderët politikë të Kosovës kanë votuar në orët e para dhe ata janë shprehur të bindur se votimet e sotme do të kalojnë pa probleme dhe në përputhje me standardet.

Vëzhguesit

Mbi 100 vëzhgues ndërkombëtarë dhe mbi 20 mijë vëzhgues vendorë tashmë ndodhen në terren për të parë nga afër rrjedhën e votimeve. Në mesin e vëzhguesve do të jetë edhe një delegacion i Këshillit të Evropës, që kryesohet nda eurodeputetja Doris Pack.

Sistemi i votimit

Rreth 1.5 milion qytetarë me të drejtë vote do të kenë mundësi të votojnë për kryetarët e 36 komunave dhe anëtarët e asambleve komunale, mandati i të cilëve do të zgjasë katër vjet.

Kryetarët e komunave do të zgjidhen sipas sistemin të shumicës, ndërkaq për deputetët e asambleve do të aplikohet sistemi proporcional.

Pjesëmarrja e minoritetit serb

Për zgjedhjet e sotme janë çertifikuar edhe 22 subjekte politike serbe.

Akoma nuk mund të parashikohet se cila do të jetë pjesëmarrja e elektoratit serb në këtë votime, nga se më parë ka pasur një qëndrim kundër këtyre zgjedhjeve nga qeveria në Beograd.