"Doja të falenderojë edhe të gjithë miqtë tanë Bruksel të cilët kontribuan që ky moment të ndodhë edhe para premtimit të dhënë se procesi do të nis në janar të vitit 2010,"- tha zoti Ahmeti duke shprehur shpresën se vizat së shpejti do të hqien edhe për qytetarët e Shqipërisë, Bosnjë e Hercegovinës dhe Kosovës.

"Në këtë mënyrë do të mundësohej që për të gjithë popujt e Ballkanit Perendimor, deri dje të trazuar, më në fund të hapet shpresa se edhe ata janë në fazat e rëndësishme për t'u integruar si tërësi në Bashkimin Europian,"- tha kreu i BDI-së që bën pjesë në koalicionin qeverisës të Maqedonisë.

Duke folur për BBC-në zoti Ahmeti shprehu gjithashtu shpresën se Maqedonia dhe Greqia do të gjejnë gjuhën e përbashkët për sa u përket mosmarrëveshjeve lidhur me emrin. Ai vlerësoi si konstruktiv edhe qëndrimin e opozitës maqedonase për këtë e cila, tha ai, inkurajon qeverinë që për këtë çështje të gjejë një zgjidhje të qëndrueshme.