Në ftesën e tij, ku nuk përmendet dallimi për emrin e Maqedonsië, thuhet se dy zyrtarët do të bisedojnë për thellimin e marrëdhënieve në të gjitha fushat mes Greqisë dhe Maqedonisë.

Ftesa e tij bëhet, kur përfaqësues të qeverisë së maqedonisë thanë se çështja e emrit të zgjidhet sipas modeilit kroato-slloven, ku pa një zgjidhje konkrete rreth kufirit ujor mes dy vendeve, u çbllokua rruga e integrimeve të Kroacisë.

Në ftesë thuhet se takimi mes krerëve të shteteve do të shfrytëzohet që të thellohen bashkëpunimet në të gjitha fushat.

Presidenti Ivanov gjithashtu shkruan se dy vendet kanë më shumë gjëra të përbashkëta se sa dallime.

Por në ftesë nuk përmendet çështja e emrit, që është dallimi kryesor mes Shkupit dhe Athinës, dhe i cili nuk po zgjidhet rreth 20 vjet.

Vëzhguesit thonë se ftesa e Presidentit Ivanov, bëhet për të treguar konstruktivitet nga pala maqedonase, në kohën kur janë shtuar presionet ndërkombëtare që çështja e emrit të zgjidhet.

Dy vendet u zotuan se çështjen do ta zgjedhin me ndërmjetësim ndërkombëtar.

Vëzhguesit thonë se pavarësisht qëndrimeve të ndryshme, është fakt se qeveria, sidomos kryeministri Nikolla Gruevski, është nën presion për të gjetur zgjidhje, që nuk do të bllokonte integrimet e vendit, që paralajmërohen nga Greqia, nëse çështja e emrit nuk zgjidhet.