Botuar: E premte, 17 korrik 2009 - 16:40 CET

Rama akuzon për manipulime

Kryetari i Partisë Socialiste Edi Rama ka ripërsëritur të premten tezat e opozitës se procesi zgjedhor në Shqipëri po tentohet të manipulohet nga Partia Demokratike nëpërmjet Komisionit Qendror të Zgjedhjeve, ku PD-ja ka shumicën e anëtarëve.

Zoti Rama ka kërkuar hapjen e kutive në disa qarqe të vendit. Ndërkohë, një tjetër aleat i si majtës në zgjedhje, Partia për Mbrotjen e të Drejtave të Njeriut, duke refuzuar dhe ftesën e Berishës për bashkëqeverisje, ka kërkuar një qeveri teknike që do ta çonte vendin në zgjedhje të reja.

Partia Demokratike i ka konsideruar qëndrimet e opoziës si të pabaza dhe ka nisur punën për formimin e qeverisë së re në koalicion dhe më LSI-në.

Korrespondenti i BBC-së në Tiranë njofton për vazhdimin e debateve lidhur me vendimet e Komisionit Qendror të Zgjedhjeve, njëri prej të cilëve mund të rindezë polemikat për Fierin apo mundësinë për rinumërim të votave, pas një kërkese të Partisë Demokratike për Integrim.