Në pritje të rezultatit përfundimtar të zgjedhjeve

Nga rezultatet paraprake PS-ja dhe PD-ja kanë marrë nga 15 deputetë.

Debati pritet duke parë dhe vendimet e fundit që ka marrë ky komision ku nuk kanë munguar tonet e larta dhe madje braktisjet e mbledhjeve nga anëtarët, përfaqësues të opozitës.

Me shumicë votash Komisioni rrëzoi të hënën kërkesën e opozitës për Qarkun e Beratit ku ajo pretendonte mandatin e pestë, ndërkohë që një ditë më parë kishte marrë votat e duhura nga numërimi i disa kutive në Fier duke siguruar kështu mandatin e nëntë të saj.

Betejat ligjore nuk ndalen në KQZ. Opozita, por dhe shumica aktuale kanë paralajmëruar vazhdimin e anikimimeve për Beratin dhe Fierin në Kolegjin Zgjedhor të Gjykatës së Apelit në Tiranë.

Nga rezultatete e deritanishme del se koalicioni që udhëhiqet nga Partia Demokratike ka 70 mandate, koalicioni i Partisë Socialiste 66 mandate dhe ai i LSI-së katër mandate. Kjo e fundit ka shpallur dhe koalicionin e ri qeverisës më PD-në e kryeminsitrit Sali Berisha.