Kështu në shkallë vendi deri tani “Aleanca e ndryshimit” e udhëhequr nga PD-ja shkon në 70 deputetë ndërsa “Bashkimi për ndryshim” i udhëhequr nga socialistët shkon në 66 duputetë”. LSI që udhëheq “Aleancën Socialiste për Integrim” ka katër deputetë.

Heqja e mandatit të deputetit për Kolicionin e PD-së bën që PDI-ja ose siç thirret "partia e çamëve", të humbasë një deputet në Fier dhe përfaqsohet në Kuvend vetëm me deputetin e fituar në Vlorë.

KQZ pritet të shpallë edhe mandatet e Qarkut të Elbasanit. Dy javë pas zgjedhjeve KQZ ka shpallur rezultatet në katër qarqe nga 12 qarqe që ka harta elektorale e vendit.

PD ka apeluar pranë KQZ-së vendimin për Fierin (ku PS mori deputetin e nëntë), rezultatin e Shkodrës ku PD pretendon deputetin e tetë dhe rezultatin në Qarkun e Lezhës ku pretendon deputetin e pestë.

Ndërkaq, socialisët kamë apeluar tabelën e rezultateve të Tiranës ku pretendojnë deputetin e 16-të, tabelën e Durrësit ku pretendojnë deputetin e gjashtë por edhe rezultatet e Shkodrës dhe Beratit.

Veç dy partive kryesore në KQZ kanë paraqitur ankimime edhe Partia Republikane dhe G99-ta.