Anëtarët po diskutojnë dhe për shkeljet që u bënë nga disa kandidatë të cilët nuk lëshuan postet që kishin më parë, siç i detyronte Kodi Zgjedhor.

Debati më ashpër pritet për nëntë kutitë në Qarkun e Fierit. Komisioni do të marrë në shqyrtim ankesën e Partisë Socialiste e cila pretendon se në ato kuti janë votat e duhura të panumëruara të cilat i japin mandatin e nëntë në Fier. Ky numërim është dhe kushti kryesor që opozita ka vënë për njohjen e rezulatit përfundimtar të zgjedhjeve.

PS-ja i ka bërë thirrje KQZ-së që të mos marrë vendime të njëanshme në favor të PD-së. Thirrje për proces me standarde ka bërë dhe Presidenti Bamir Topi.

KQZ-ja ka certifikuar me unanimitet rezultatet përfundimtare për shpërndarjen e mandateve në qarqet Kukës,Korçë e Gjirokastër .