BBCAlbanian.com
 
Botuar: E martë, 30 qershor 2009 - 17:50 CET
 
Dërgoja një miku   Version i printueshëm
Numërimi i votave i afrohet fundit
 

 
 
Selia e KQZ-së
Ndërsa po afrohet ora ku pritet të mësohet rezultati i zgjedhjeve të përgjithshme të 28 qershorit, në Shqipëri janë shtuar ndjeshëm tensionet midis dy partive pretendente PD dhe PS.

Ato kanë akuzuar reciprokisht njëra tjetrën se po ushtrojnë presion në procesin e numërimit të votave.

Kreu i PD Sali Berisha i cili tha se tashmë procesi është në dorë të komisionerëve të cilëve u bëri thirrje që të zbatonin vetëm ligjin.

" Të tregojnë përgjegjësinë më maksimale, ligjin, ligjin dhe vetëm ligjin, ky është apeli im për çdo zyrtar shqiptar," tha zoti Berisha i cili shtoi ndërkohë se po shijonte momentet e fitores.

Ndoshta kjo deklaratë e fundit e detyroi kreun socialist Edi Rama të dilte menjëhërë në konferencë për shtyp dhe të akuzonte zotin Berisha se po kërcënonte zgjedhjet.

"Ky është komunikim i papranueshëm i kryeministrit të Shqipërisë i cili me sa duket është në krye të një operacioni i cili jo po cënon, por kërcënon zgjedhjet në Shqipëri dhe po drejton një operacion i cili është shtrirë në të gjithë ato qendra numurimi ku rezultati është qartësisht duke u thelluar për PS" tha zoti Rama.

'Përgjegjëse partitë'

Duke komentuar situatën e krijuar zëdhënësi i KQZ Leonard Olli bëri përgjegjës dy partitë .

"Nuk ka të bëjë më lodhje apo paqartësi, por me veprime te qëllimshme që nuk pranohen nga njëra apo tjetra palë," tha zoti Olli për BBC.

Deri në orën 17.30 ishin numëruar mbi 85 për qind e votave dhe koalicioni i djathtë kishte një avantazh të lehtë.

Dy ditë pas zgjedhjeve në Shqipëri, rezultati mbetet i përafërt. Duket se do të ketë një foto finish të zgjedhjeve të 28 qershorit. KQZ thotë se janë numëruar 75 përqind e votave.

“Jemi shumë pranë fundit të përfudimit të votimit. Nga rezultatet e tanishme, aleanca e djathtë, "Aleanca për Ndryshim" ka një avantazh të lehtë në raport me "Bashkimin për Ndryshim", koalicionin e majtë, por gjithçka mbetet të shihet me numërimin e të gjitha votave,” tha Leonard Olli, zëdhënës i KQZ-së.

Rezultatet e para paraprake të zgjedhjeve do të duhej që të ishin shpallur që të hënën në ora 17.

Por KQZ pranoi se ka vonesa për shkak të sistemit të ri të numërimit të votave, por edhe për shkak të mos trajnimit të duhur të anëtarëve të komisioneve, për çka fajësohen subjektet politike që nuk i kishin dërguar emrat e tyre me kohë.

 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>