Kjo u bë e ditur në përfundim të takimit dy ditor të mbajtur në Vlorë, takim i inicuar nga presidenti shqiptar Bamir Topi.

Ky takim mori një rëndësi të veçantë pasi në të mori pjesë edhe presidenti i Kosovës, Fatmir Sejdiu.

Presidenti i Shqipërisë Bamir Topi ka theksuar vazhdimisht se mbështetja e vendeve fqinje ndaj Kosovës është në interes të sigurisë e zhvillimit afatgjatë të rajonit të Ballkanit.

Në disa takime të fundit me homologët e tij të vendeve të Ballkanit Perëndimor, zoti Topi është shprehur se “mbështetja e vendeve fqinje duhet të marrë karakterin e partneritetit reciprok si në aspektin ekonomik ashtu edhe në atë diplomatik e politik. Kjo në interes të sigurisë e zhvillimit afatgjatë të rajonit”.