28 qershor 1389 - Beteja epike e Kosovës i paraprin 500 viteve të sundimit otoman turk.

1912 - Luftrat Ballkanike: Serbia rimerr kontrollin e Kosovës nga turqit, dhe kjo njihet me Traktatin e Londrës më 1913.

1918 - Kosova bëhet pjesë e Mbretërisë së Serbisë.

1941 - Lufta e Dytë Botërore: Pjesa më e madhe e Kosovës bëhet pjesë e një Shqipërie të madhe që kontrollohet nga italianët.

1946 - Kosova përfshihet në Federatën Jugosllave.

1968 - Demonstratat e studentëve në të cilat kërkohet universitet në gjuhën shqipe dhe e drejta e flamurit kombëtar.

1974 - Kushtetuta jugosllave njeh statusin autonom të Kosovës, duke i dhënë de facto vetëqeverisje.

1981 - Trupat shtypin trazirat ne Kosovë në të cilat kërkohet status i barabartë me republikat e tjera.

1987 - Në atë që shihet si moment kyç në ngjitjen e tij në pushtet, presidenti i ardhshëm, Sllobodan Millosheviç flet para një tubimi të serbëve në Kosovë, që protestojnë kundër siç thonë keqtrajtimeve prej komunitetit shqiptar shumicë.

1989 - Presidenti Jugosllav Sllobodan Millosheviç i heq autonominë e paraparë me Kushtetutën e vitit 1974.

Korrik 1990 - Udhëheqësit shqiptarë shpallin pavarësinë nga Serbia. Beogradi shpërndan qeverinë e Kosovës.

Shtator 1990 - Largimi i më shumë se 100 mijë punëtorëve, përfshirë edhe punonjës të qeverisë dhe të mediave çon në grevë të përgjithshme.

1991 - Sllovenia, Kroacia dhe Bosnja shkëputen nga Jugosllavia dhe shpallin pavarësinë e tyre.

1992 - Shpërthen lufta në Ballkan.

Korrik 1992 - Akademiku Ibrahim Rugova zgjedhet president i republikës së vetëshpallur.

1993-97 - Përshkallëzohet tensioni etnik dhe trazirat e armatosura.

Mars - Shtator 1998 - Konflikt i hapur mes policisë serbe dhe Ushtrisë Çlirimtare të Kosovës (UÇK). Forcat serbe fillojnë një operacion brutal. Civilët ndiqen prej shtëpive të tyre.

Shtator 1998 - Nato i jep ultimatum presidentit Millosheviç për të ndaluar sulmet ndaj shqiptarëve të Kosovës.

	Operacionet e forcave serbe nxitën sulmet ajrore të NATO-s, që u pasuan me masakra dhe ekzod te shqiptarëve

Ndërhyrja e Nato-s

Mars 1999 - Dështojnë bisedimet për paqe të ndërmjetësuara nga ndërkombëtarët.

Nato fillon sulmet ajrore kundër Jugosllavisë që zgjasin 78 ditë përpara se Beogradi të dorëzohet.

Qindra mijëra refugjatë shqiptarë nga Kosova shkojnë në vendet fqinje, ku tregojnë për masakrat dhe shpërnguljen me forcë që erdhi pas fushatës së Nato-s.

Qershor 1999 - Presidenti Millosheviç bie dakord të tërheq trupat nga Kosova. Nato ndal sulmet ajrore. OKB ngre një Forcë për Zbatimin e Paqes në Kosovë (Kfor) dhe forcat e Nato-s hyjnë në Kosovë. UÇK-ja pranon të dorëzojë armët. Shumë civilë serbë largohen nga frika prej sulmeve hakmarrëse.

Shkurt 2002 - Ibrahim Rugova zgjedhet president nga parlamenti i Kosovës pasi partitë shqiptare arrijnë një marrëveshje për ndarjen e pushtetit. Bajram Rexhepi bëhet kryeministër.

Tetor 2003 - Bisedimet e para mes udhëheqësve shqiptarë dhe serbë që prej vitit 1999.

	Mitrovica - vatër e tensioneve ndëretnike

Dhjetor 2003 - OKB vendos kushtet për bisedimet për statusin final në 2005.

Përplasjet në Mitrovicë

Mars 2004 - Nëntëmbëdhjetë vetë vriten në përplasjet më të rënda mes shqiptarëve dhe serbëve që prej 1999. Dhuna filloi në qytetin e ndarë të Mitrovicës.

Tetor 2004 - Lidhja Demokratike e presidentit Rugova fiton zgjedhjet e përgjithshme, duke marrë 47 vende në parlamentin me 120 deputetë. Zgjedhjet bojkotohen nga serbët.

Dhjetor 2004 - Parlamenti rizgjedh presidentin Rugova dhe cakton si kryeministër ish-komandantin e UÇK-së, Ramush Haradinajn. Partia e zotit Haradinaj hyn në koalicion me Lidhjen Demokratike të presidentit.

Shkurt 2005 - Presidenti serb Boris Tadic premton të mbrojë të drejtat e serbëve në Kosovë.

Mars 2005 - Zoti Haradinaj i paditur nga Gjykata për Krime Lufte në Hagë, jep dorëheqje si kryeministër. Ai zëvendësohet nga Bajram Kosumi.

Presidenti Rugova shpëton pa u lënduar nga një shpërthim që ndodhi kur vargu i makinave që e shoqëronin kalonte përmes Prishtinës.

Korrik 2005 - Shpërthime gati simultane ndodhin pranë ndërtesave të OKB-së, OSBE-së dhe parlamentit të Kosovës në Prishtinë. Nuk ka të lënduar.

Janar 2006 - Presidenti Rugova vdes në Prishtinë pas një beteje me kancerin. Në postin e presidentit zgjedhet në shkurt Fatmir Sejdiu.

Shkurt 2006 - Nisin bisedimet e ndërmjetësuara nga OKB-ja për statusin e ardhshëm.

Mars 2006 - Kryeministri Kosumi jep dorëheqje pas kritikave ndaj tij brenda partisë. Ai zëvendësohet në këtë post nga ish-komandanti i UÇK-së, Agim Çeku.

Korrik 2006 - Bisedimet e para direkte që prej 1999 mes udhëheqësve serbë dhe shqiptarë të Kosovës zhvillohen në Vjenë.

Tetor 2006 - Zgjedhësit në një referendum në Serbi miratojnë kushtetutën e re e cila e shpall Kosovën pjesë integrale të vendit.

Plani i pavarësisë

Shkurt 2007 - I ngarkuari i OKB-së Martti Ahtisaari shpalos planin që e vendos Kosovën në rrugën drejt pavarësisë. Plani mirëpritet nga shqiptarët e Kosovës por hidhet poshtë nga Serbia.

Korrik 2007 - SHBA-ja dhe Bashkimi Evropian riformulojnë projektin e një rezolute për të hequr premtimin për pavarësi pas këmbënguljes së Rusisë, duke e zëvendësuar atë me zotimin për të rivlerësuar situatën nëse nuk arrihet ndonjë zgjidhje pas katër muajsh bisedime me Serbinë.

Nëntor 2007 - Hashim Thaçi del fitues në zgjedhjet e përgjithshme.

Shkurt 2008 - Kosova shpall pavarësinë. Serbia thotë se deklarata është e paligjshme. Fuqitë kryesore të Evropës dhe Shtetet e Bashkuara njohin pavarësinë.

Mars 2008 - Kundërshtarët serbë të pavarësisë marrin kontrollin e një gjykate të OKB-së në Mitrovicë dhe më shumë se 100 vetë plagosen në përplasjet mes forcave të OKB-së dhe NATO-s. Një oficer policie i OKB-së vritet.

Kushtetuta e re

Prill 2008 - Parlamenti miraton kushtetutën e re.

Qershor 2008 - Kushtetuta e re e transferon pushtetin tek qeveria e shumicës shqiptare pas 9 vjetësh në drejtimin e OKB-së. Serbët e Kosovës ngrejnë asamblenë e tyre paralele në Mitrovicë.

Tetor 2008 - Asambleja e Përgjithshme e OKB-së voton për ta referuar shpalljen e pavarësisë së Kosovës në Gjykatën Ndërkombëtare për Drejtësi.

Dhjetor 2008 - Misioni i Bashkimit Evropian (Eulex) merr drejtimin e shërbimeve policore të drejtësisë dhe doganave nga OKB-ja. Serbia e pranon misionin.

Janar 2009 - Forca e re shumëetnike e Sigurisë së Kosovës fillon punën nën mbikëqyrjen e NATO-s, duke zëvendësuar kështu një njësi që dominohej nga veteranë të fushatës për pavarësinë kundër Serbisë.

Shkurt 2009 - Tribunali i OKB-së në Hagë liron ish-presidentin serb Millan Millutinoviç nga akuzat se kishte dhënë urdhër për një fushate terrori kundër shqiptarëve në Kosovë në vitet 1990.

Mars 2009 - Spanja njofton tërheqjen e 600 trupave të saj nga Kosova megjithë kritikat.

Prill 2009 - Presidenti serb Boris Tadiç bën një vizitë të rrallë në Kosovë që përkon me afatin e dhënë palëve për të paraqitur argumentet e tyre para Gjykatës Ndërkombëtare për Drejtësi lidhur me ligjshmërinnë e shpalljes së pavarësisë së Kosovës.