BBCAlbanian.com
 
Botuar: E hënë, 13 prill 2009 - 10:32 CET
 
Dërgoja një miku   Version i printueshëm
Shqetësimet e Transparency International
 
Transparency International (Llogo)
Në Shqipëri Transparency International shpreh shqetësimin për vonesat e partive në shpalljen e emrave të kandidatëve për deputetë në zgjehdjet e ardhshme parlamentare.

Dy muaj e gjysëm para zgjedhjeve parlamentare të 28 qershorit shumica e partive politike shqiptare ende nuk kanë bërë të njohur për votuesit e tyre kandidatët për deputetë.

KOrrespondenti i BBC-së në Tiranë thotë se në një reagim të saj lidhur me këtë, organizata Transparency International këto vonesa i konsideron shqetësuese.

Publikimi në limitin ligjor, jo vetëm nuk i kontribuon transparencës para publikut, por mund të përbëjë rrezik për dobësimin e demokracive, vëren kjo organizatë.

Sipas drejtuesve të saj, forcat politike shqiptare duhet t'i paraqesin sa më shpejt publikut emrat dhe CV-të e kandadatëve për deputetë në mënyrë që votuesit, por edhe mbarë opinioni t'i njohi sa më mirë.

Ata thonë se ndryshe nga sistemi maxhoritar i korrektuar, sistemi i ri zgjedhor, ai proporcional rajonal, nuk jep shumë mundësi për njohje.

Kohët e fundit ka patur mjaftë polemika midia forcave politike për këtë çështje. Veçanërisht dy partitë e mëdha akuzuan njëra-tjerën dhe sidomos liderët e tyre Berisha dhe Rama se po përpiqen të përfitojnë në procesin e hartimit të listave të deputetëve duke vënë përkrahës të tyre.

 
 
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>