Methew Nimtez do të bëjë propozimin final

Partitë maqedonase kanë shfaqur dallime dhe kanë akuzuar njëra-tjetrën se po dëmtojnë interesat kombëtare.

Takimi vjen para negociatave që konsiderohen të fundit, dhe që do të zhvillohen të martën në Nju Jork.

Lidhja Socilademokrate, në opozitë, thotë se duhet të pranohet një emër me një referencë gjeografike, por e cila nuk do të dëmtojë indentitetin kombëtar të maqedonasve.

Ata thonë se çdo zgjidhje nuk duhet të kërkojë ndryshimin e kushtetutës.

Por VMRO-DPMNE në qeveri thotë se zgjidhje e pranueshme do të jetë formula e dyfishtë, që nënkupton që emri Republika e Maqedonisë të përdoret kudo, kurse në komunikim me Greqinë të gjendet një emër tjetër i pranueshëm për të dyja palët.

Këto qëndrime të ndryshme kanë përfshirë partitë maqedonase në akuza të ndërsjella.

Për VMRO DPMNE-në qëndimi i opozitës është i ngjashëm me atë të palës greke dhe dëmton identitetin kombëtar të maqedonasve.

Lidhja opozitare Socialdemokrate thotë se Maqedonia nuk duhet të rrezikojë anëtarsimin në NATO dhe në BE, prandaj tani duhet të gjejë një zgjidhje.

Ajo akuzon kryeministrin se nuk është konstruktiv dhe qëllimisht kërkon nga Greqia një propozim të papërshtatshëm që të mund t'a refuzojë.

Këto dallime do të tentohen që të tejkalohen në takimin e liderëve të partive kryesore në vend.

Në këtë takim do të marrin pjesë edhe partitë shqiptare, të cilat kanë qenë të rezervuara në debatet e fundit, por të cilat kanë qëndrim të ngjashëm.

Ata thonë se çdo zgjidhje për emrin duhet të marrë parasysh edhe qëndrimin e shqiptarëve, si dhe kjo çështje nuk duhet të përbëjë pengesë për integrimet e vendit.