Aleksandër Furxhi BBC Tiranë

	Selia e qeverisë shqiptare

Gykatësit janë shprehur kundër tij me argumentin se projekti cënon pavarësinë e pushtetit gjyqësor.

Debati pritet të përfshijë edhe politikën.

Opozita i ka dhënë shenjat e para se është kundër projektit të qeverisë.

Ndërkohë, nuancat politike mund të dallohen edhe në kundërshtimin që po merr projekti në Këshilin e Lartë të Drejtësisë, që drejtohet nga Presidenti i Republikës.

Dhe nuk është sekret se marrëdhëniet e presidentit me Partinë Demokratike në pushtet nuk janë të shkëlqyera.

Një nga arsyet e klimës së ftohtë që ekziston në këto marrëdhënie, ka qenë dhe mbetet pikërisht ndikimi indirekt mbi pushtetin gjyqësor.

Në fakt, projekti zgjeron kompetencat e personelit administrativ të gjykatave dhe pikërisht të kancelarëve.

Ky i fundit, gjithnjë sipas projektit të qeverisë, do të jetë i varur nga ministri.

Shumica e autoriteteve të pushtetit gjyqësor nuk kanë ngurruar publikisht të shprehin mosaprovim ndaj projektit të qeverisë.

Në këtë frymë u shprehën disa prej drejtuesve të gjykatave të mbledhur në një takim konsultativ në Këshillin e Lartë të Drejtësisë.

Në këtë takim ishte i pranishëm edhe edhe ministri i drejtësisë, Enkelejd Alibeaj.

Zoti Alibeaj e mbron projektin duke thënë se ai nuk cënon gjykatësit dhe se ata do të jenë të çliruar nga funskionet administrative dhe do të kenë mundësi të përqëndrohen vetëm në dhënien e drejtësisë.

Çështja është debatuar edhe në komisionin e ligjeve në parlament ku janë thirrur për diskutime palët e interesuara, gjykatësit dhe kancelarët e gjykatave.

Nyja e paqartë e problemit mbetet mënyra se si projekti do të kalojë për miratim në parlament.

Sipas burimeve të BBC-së shumica në pushtet do të mundohet ta paraqesë ligjin si të kalueshëm me shumicë të thjeshtë 50% +1 e votave.

Por opozita, gjithashtu sipas burimeve të BBC-së, do të pretendojë shumicën e cilësuar të 3/5 e votave në parlament, që do të thotë detyrim për të arritur konsensusin shumicë-opozitë.

Që këtu kuptohet se polemikat do të nisin herët.

Opozita mund t’i kujtojë shumicës se projektligji për administratën e pushtetit gjyqësor duhet të jetë pjesë e paketës së ligjeve për pushtetin gjyqësor, të cilët kërkojnë shumicën e cilësuar të votave në parlament.

Qeveria synon ta kalojë projektin dhe në këtë mënyrë të ketë mundësi të ndikojë më shumë në sistemin e drejtësisë, i cili konsiderohet si një nga sektorët më të goditur prej korrupsionit.

Kurse, sipas opozitës, ky ndikim përkthehet në kontroll, pra varësi e pushtetit gjyqësor.