Jonuz Hallaçi Korrespondent i BBC-së në Tiranë

	Selia e qeverisë shqiptare

Sipas kryeministrit, Shqipëria renditet ndër dhjetë vendet më të mira në botë për lufëtn kundër korrupsionit.
Zoti Berisha tha se 224 zyrtarë janë arrestuar në kuadër të luftës kundër korrupsionit në tre vitet e fundit të qeverisjes së tij.

Këta deklarime kryeminstri Berisha i ka bërë dhe pas publikimit të shifrave për përceptimin e korrupsionit, publikuar nga “Trasparence International”, ku veçohej se Shqipëria kishte bërë progres në luftën kundër korrupsionit, duke zbritur nga vendi i 105-të në listë në vendin e 85-të.

Opozita e majtë ka qëndrime krejt të kundërta me qeverinë për nivelin e pranisë së korrupsionit.

Sipas opozitës, korrupsioni është në nivele të larta dhe se qeveria nuk e ka mbajtur premtimin për ta luftuar atë, argument më të cilin erdhi në pushtet para tre viteve.

Opozita thotë se edhe 'tragjedia e Gërdecit e ka shkakun tek niveli i lartë korrupsionit në nivelet qeveritare'.

Qeveria ka deklaruar se për këtë tragjedi po bëhen hetime intensive nga prokuroria shqiptare, por edhe nga ekspertë të huaj.