Fatos Ahmati BBC Tiranë

Kreu i saj Edi Rama tha se “nuk është në interes të vendit kthimi i debateve të vjetra për të drejtat e liritë elementare të opozitës.”

Nga ana e tyre përfaqësues të Partisë Demokratike kanë deklaruar se drafti i ri i ligjit për mediat është hartuar nga maxhoranca.

Sipas zëdhënësit të grupit parlamentar demokrat Aldo Bumci, ai po pengohet nga deputetet e opozitës në komisionin parlamentar të edukimit e medias dhe veçanërisht nga kryetarja e këtij komisioni Valentina Leskaj.

Duke folur për BBC zonja Leskaj i hodhi poshtë akuzat duke i quajtur mjerane dhe tha se ato nuk mund të justifikojnë shkeljen e ligjit nga ana e maxhorancës.

Polemikat kanë lindur pasi KKRT gjobiti televizionin News 24, pasi ai transmetoi një spot televiziov ku ironizohej një mesazh i kryeministrit Berisha për të luftuar korrupsionin.

Vetë zoti Berisha nuk ka komentuar ende akuzat se përmbajtja e spotit të tij është marrë në mënyrë të jashtëligjshme nga shoqëria e kontraktuar për këtë qëllim, e cila e ka fituar këtë të drejtë përmes procedurave ende të paqarta.

Media shqiptare ka bërë të njohur të dhëna se spoti i kryeministrit Sali Berisha drejtuar qytetarëve për të luftuar korrupsionin, i transmetuar ditët e fundit nga disa televizione, është huazuar nga spoti i një kandidati në zgjedhjet presidenciale të disa kohëve më parë në Argjentinë.

Opozita e ka quajtur këtë spot si të paligjshëm dhë një gabim trashanik të kryeministrit Berisha për të cilin ai duhet të japë shpjegime.