Arbër Vllahiu BBC Prishtinë

	Mitrovica ka qenë skenë e përleshjeve ndëretnike që nga 1999-a

Zyrtarë të policisë së Kosovës thanë se katër të lënduarit janë serbë.

Përleshja ka ndodhur në lagjen "Tre Soliterat", në afërsi të urës kryesore mbi lumin Ibër, që ndan qytetin në veriun e dominuar nga serbët dhe në jugun e banuar nga shqiptarë.

Movitet e përleshjes nuk dihen ende zyrtarisht.

Policia thotë se grupe të shqiptarëve dhe serbëve kanë goditur njëri-tjetrin me gurë.

Forcat policore kanë arritur të ndajnë të dyja grupet dhe kanë bllokuar urën mbi lumin Ibër dhe janë vendosur në lagjen ku ka ndodhur përleshja.

Mediat serbe kanë njoftuar edhe për të shtëna sporadike nga armë zjarri.

Tensionet ne veri janë përshkallëzuar që nga shpallja e pavarësisë së Kosovës në muajin shkurt.

Pavarësia e Kosovës kundërshtohet fuqishëm nga serbët e Kosovës.