Brenda dy vitesh taksa e sigurimeve shoqërore është ulur me 25 përqind.

Kryeministri Sali Berisha e quan këtë masë si një tjetër lehtësim që i bëhet biznesit privat dhe të huaj në kuadrin e atij që ai e quan revolucion fiskal në vend.

Por opozita thotë se qeveria po minon skemën e pensioneve në vend duke ulur sigurimet shoqërore dhe duke rritur taksat. Kreu i PS Edi Rama i quan të pavërteta ato që kryeministri Berisha i quan arritje të mëdha të shtatëmujorit mujorit nga qeveria e tij.

Ekspertët e ekonomisë thonë se masa e qeverisë për uljen edhe më të taksës së sigurimeve shoqërore bëhet për ta joshur biznesin privat për të siguruar punonjësit e tij dhe për ta nxjerrë atë nga informaliteti.

Në Shqipëri një pjesë e konsiderueshme e bizneseve nuk i paguajnë detyrimet ligjore për sigurimin e punonjësve duke pretenduar taksën e lartë ndërsa punonjësit e pranojnë këtë situatë pa reaguar.