Autoritetet thonë shpresojnë që dëmet të riparohen brenda një kohe sa më të shpejtë.

Autoritetet thonë se deri tani janë lëvruar afro 12 milionë euro dhe shpresojnë që dëmet të riparohen brenda një kohe sa më të shpejtë.

Por opozita është skeptike dhe dyshon se çështja e Gërdecit mund të kthehet në një aferë korrupsioni.

Në parlamentin shqiptar përfaqësuesit e saj akuzuan ashpër kryeministrin Berisha, i cili sipas tyre ndërsa në vigjilje të dymujorit të tragjedisë duhej të ishte pranë të dëmtuarve mori pjesë në një koncert festiv kushtuar anëtarësmit të Shqipërisë në NATO.

Në Tiranë që prej të enjtes po zhvilohet forumi ekonomik i Krans Montanës me pjesëmarrjen e personaliteteve nga vende të ndryshme të botës.

Qeveria shqiptare po e shfrytëzon këtë rast për të paraqitur progresin e saj ekonomik. Kryeministri Berisha ka folur për përparime të ekonomisë shqiptare dhe përmirësim të klimës së biznesit, ndërsa ka ftuar investitorët e huaj që të investojnë në Shqipëri.

Deklaratat e zotit Berisha vijnë ndërsa opozita shqiptare thote se klima e biznesit po përkeqësohet dhe se Shqipëria është klasifikuar si vendi me liri ekonomike më të dobët.