Fillojnë bisedimet intensive rreth kërkesave të PDSH-së

Kryeministri më herët hodhi poshtë këto kërkesa që kanë të bëjnë me gjendjen e shqiptarëve.

Gjatë fundjavës, zyrtarë të lartë të qeverisë u përfshinë në akuza të mëdha.

Kryeministri tha se PDSH punon për interesa të huaja, kurse Zëvendës Kryeministri Aliu tha se Z. Gruevski është i papërgjegjëshëm dhe se po e çon vendin në humnerë.
 
Pas akuzave serioze nga zyrtarë të lartë të qeverisë, partnerët e koalicionit kanë filluar sërish bisedimet.
 
Kryetari i PDSH-së, Menduh Thaçi, tha se do të bëjë ç'është e mundur përtu shmangur nga ndonjë krizë me thellë politike.
 
"Zyrtarisht kanë filluar bisedimet me Kryeministrin apo me z. Gruevski në lidhje me gjashtë kërkesat e PDSH-së.
Bisedimet intensive do të vazhdojnë edhe në ditët e ardhshme që të arrihet marrëveshje," tha Menduh Thaçi.
 
Nga kabineti i Kryeministrit Gruevski gjithashtu konfirmohet për fillimin e komunikimit në mes të këtyre dy subjekteve që deri të premten e kaluar ishin opjesë e koalicionit qeveritar deri të premten e kaluar.

Ivica Bocevski, që është zëdhënës i qeverisë tha: "Nga ana e Z. ThaçI dhe PDSH-së u kërkua që të bisedohet për gjashtë kërkesat e tyre. Kryemninistri asnjëherë nuk ka refuzuar bisedime për çështje që kanë të bëjnë me të ardhme e Maqedonisë. Por Kryeministri nuk pranon bisedime me kërcënime dhe kushtëzime.”
 
 Të premten PDSH mori vendim që të dalë nga qeveria për shkak se Kryeministri refuzoi gjashtë kërkesa të PDSH-së që kanë të bëjnë me gjendjen e shqiptarëve në Maqedoni.
 
Në fundjavë zyrtarë të lartë në qeveri u përfshinë në akuza serioze.
 
Kryeministri Nikolla Gruevski akuzoi PDSH-në se po punonte për interesa të huaja. Ai tha se "bëhet fjalë për agjend dhe skenare të shteteve të tjera, të Greqisë, Serbisë, Kosovës".
 
Kurse zëvendësi i tij Imer Aliu e akuzoi z. Gruevski "si të papërgjegjshëm" veprimet e të cilit po "e çonin vendin në humnerë."
 
Këto zhvillime politike që çuan dhe në krijimin qeverisë së pakicës, po zhvillohen në kohën kur Maqedonia pret që të marrë ftesë për antarësim për NATO.
 
Thirjet nga përfaqësuesit e huaj janë shtuar që situate të qetësohet.
 
Kjo edhe për faktin se janë duke u zhvilluar negociatat për çështjen e emrit me Greqinë.
 
Të fundit u zhvilluan të hënën në Vienë.
 
Ndërmjetsi i OKB-së Metju Nimitc ka thënë se është më optimist se më parë dhe siç njoftojnë mediat ka dhënë tre propozime të cilat tani do të shqyrtohen nga të dy palët.
 
Negociatat rreth emrit janë gjithashtu të lidhura me NATO-n, pasi që Greqia është kërcënuar se po nuk u gjet çështja rreth emrit ajo ka për të vërë veto ndaj anëtarësimit të mundshëm në NATO.