Policë serbë të Kosovës të mbledhur në qendër të enklavës serbe të Graçanicës.

Policët serbë kanë ndërprerë bashkëpunimin me kolegët e tyre shqiptarë dhe kanë thënë se do të ju binden vetëm urdhërave të UNMIK-ut.

Kjo në shenjë reagimi ndaj shpalljes së pavarësisë së Kosovës. Policët serbë të rajonit të Gjilanit janë pezulluar me pagesë dhe në afat të pacaktuar kohor.

Ndërkohë rreth 70 policë në Graçanicë janë mbedhur të premten para stacionit policor, duke kërkuar që tani e tutje t'i japin përgjegjësi vetëm UNMIK-ut, e jo komandës rajonale në Prishtinë.

Zëdhënësi i Shërbimit Policor të Kosovës, Veton Elshani, ka thënë se policëve serbë u është bërë e qartë se duhet të respektojnë hierarkinë komanduese.