BBC në Shqip

Ky departament, që transmeton në radio dhe internet, ka në plan të zhvillojë seri të tjera të programit të tij kryesor special të debatit radiofonik dhe televiziv, Auditorium, që do të vijnë nga Tirana dhe qytete të tjera në Shqipëri dhe në Kosovë.

Radio BBC në Shqip do të zgjerojë më tej praninë në tregun shqiptar të medias.

Nikki Clarke, Shefe e Rajonit të Amerikës dhe Evropës në Shërbimin Botëror të BBC-së, thotë: “BBC në Shqip në 15 vitet e fundit ka qenë në pararojë të gazetarisë në rajon. Me reputacionin e vet të merituar për standarde të larta dhe mbledhje të përsosur të informacioneve në Shqipëri dhe rajon, BBC në Shqip ka pasqyruar zhvillimet ndonjëherë të trazuara në Shqipëri dhe Kosovë me angazhimin karakteristik të BBC-së për saktësi dhe paanshmëri. Në vitet e fundit, programi debat, Auditorum, i prodhuar në bashkëpunim me televizionin Top Channel në Shqipëri dhe RTK në Kosovë, ka ndryshuar natyrën e debatit politik televiziv dhe i ka ofruar publikut mundësinë që t’i drejtojë pyetje drejtëpërdrejtë politikanëve.”

Diana Kola, Drejtuese e Seksionit shqiptar të BBC-së shton: “Ne po planifikojmë të vazhdojmë më tej punën mbështetur në atë që kemi arritur në Auditorium duke prodhuar seri të reja në Shqipëri dhe Kosovë. Ne duam t’u afrohemi më shumë dëgjuesve nëpërmjet radios dhe faqes së internetit bbcalbanian.com. . Përveç zhvillimeve në rajon, fokusi yni do të jenë ngjarjet ndërkombëtare si dhe çështje që kanë rëndësi për të gjithë. Ne gjithashtu po shohim mundësitë për të zgjeruar më tej marrëveshjet ekzistuese me partnerët tanë në median shqiptare dhe krijimin e të tjerave.”

Programi kryesor i shërbimit në shqip, BBC Sot, transmetohet në FM në 103,9 MHz në Tiranë, Shqipëri, dhe 98,5 MHz në Prishtinë, Kosovë, midis 0700-1200 nga e hëna në të premte. Ky program sjell lajme nga rajoni dhe pjesa tjetër e botës si dhe intervista, forume e programe kulturore.

Programi i pasdites me lajme, intervista dhe debate ndëraktive transmetohet në ora 1700-1800 nga e hëna në të premte. Në fundjavë, BBC në Shqip ka programe midis orës 0730-0830 dhe pasdite nga ora 1700-1830. Programi muzikor i të dielës Ritëm&Pop transmetohet në orën 1430 dhe përsëritet në orën 1730.

BBC në Shqip ka më shumë se 40 radiostacione dhe televizione partnere në rajon. Dëgjuesit mund t’i ndjekin programet edhe në internet në adresën bbcalbanian.com.

BBC në shqip rifilloi transmetimet në vitin 1993 dhe ritransmeton në më shumë se 40 radiostacione dhe televizione në Shqipëri, Kosovë, Maqedoni dhe Greqi.

Faqja e internetit bbcalbanian.com ofron një shkallë të gjerë informacioni, duke përfshirë lajme ndërkombëtare, informacione nga ekonomia botërore, shkenca, teknologjia, arti, forume dhe mësim të anglishtes.

Shërbimi Botëror i BBC është një transmetues ndërkombëtar multimedia që transmeton programe dhe ofruon shërbime në 33 gjuhë. Ai përdor platforma të shumta për të shkuar pranë 183 milionë dëgjuesve në arenën ndërkombëtare duke përfshirë valët e shkurtra, të mesme dhe FM, satelit dhe kanale kabllore.

Ai ka 2000 radiostacione partnere që marrin prodhime të BBC-së dhe lidhje të panumërta partneriteti që ofrojnë materiale për telefonat celularë. Faqet ndërkombëtare të internetit që kanë përmbajtje audio dhe vizuale dhe që u ofrojnë përdoruesve mundësi për lidhje të drejtëpërdrejta ndëraktive me ngjarjet botërore, marrin rreth 700 milionë vizita duke tërhequr rreth 40 milionë përdorues në muaj.

Dëgjoni shërbimin botëror të BBC në bbcworldservice.com. Për të mësuar më shumë për ofertën e BBC në anglisht dhe për t’u abonuar pa pagesë në e-newsletter, Email network, vizitoni bbcworldservice.com/schedules.