BBCAlbanian.com
 
Botuar: E premte, 14 dhjetor 2007 - 08:34 CET
 
Dërgoja një miku   Version i printueshëm
Kundërshtohet propozimi i fundit i Rusisë
 

 
 
Treshja ndërkombëtare për Kosovën
Khalilzad thotë tani është koha që KS të vendosë për një zgjidhje.
Zyrtarë të lartë amerikanë dhe evropianë kanë kundërshtuar propozimin e fundit të Rusisë për vazhdimin e mëtejmë të bisedimeve për statusin e Kosovës.

Ambasadori amerikan në Kombet e Bashkuara, Zalmay Khalilzad, tha se amerikanët dhe evropianët ndajnë mendimin se procesi negociator për statusin e Kosovës ka përfunduar dhe se tani është koha që Këshilli i Sigurimit të vendosë për një zgjidhje.

Ai theksoi se nëse Këshilli nuk merr një vendim, atëherë zgjidhja për problemin duhet të gjendet jashtë OKB-së.

Ndërkaq, ambasadori britanik, John Sawers, shprehu bindjen e tij se Këshilli i Sigurimit nuk do të jetë në gjendje të arrijë një marrëveshje për të ecur përpara drejt zgjidhjes së statusit të Kosovës.

Ai tha se Bashkimi Evropian dhe NATO duhet të marrin përgjegjësitë e tyre mbi të ardhmen e Kosovës.

Këshilli i Sigurimit i OKB-së do të diskutojë më 19 dhjetor raportin e Treshes Ndërmjetëse Ndërkombëtare për Kosovën, ku konfirmohet dështimi i palëve në bisedime për të arritur një marrëveshje kompromisi.

Bashkimi Evropian do të vazhdojë të premten përpjekjet për unifikimin e qëndrimit të bllokut 27 anëtarësh për statusin e Kosovës.

Në takimin e fundit vetëm Qiproja është shprehur haptas kundër njohjes së pavarësisë së Kosovës nga ana e BE-së.

Grupi Ndërkombëtar i Krizave i ka dërguar një letër liderëve të BE-së, ku thuhet se qeveritë e shteteve anëtare kanë një rast historik sot që të dërgojnë një mesazh të qartë për të marrë rolin udhëheqës në Kosovë.

Kryetari i Grupit Ndërkombëtar të Krizave, Gareth Evans, shkruan se Bashkimi Evropian duhet të riafirmojë se plani i Ahtisaarit për pavarësinë e mbikqyrur është baza ma e mirë për zgjidhjen e statusit së Kosovës.

 
 
LOKALE
E ardhmja e Kosovës
17 gusht 2006 | Analiza
NATO-ja do të mbetet në Kosovë
07 dhjetor 2007 | Rajoni
Udhëheqës të Kosovës në Madrid
05 dhjetor 2007 | Rajoni
GJITHASHTU
 
 
Dërgoja një miku   Version i printueshëm
 
 
 
BBC ©
 
^^ Kthehu në krye
 
  Arkiv
 
  BBC News >> | BBC Sport >> | BBC Weather >> | BBC World Service >> | BBC Languages >>