E përditshmja The Guardian në faqe të parë ka titullin Gjeneralët egjiptian synojnë të qeverisin vendin deri në zgjedhjet e ardhshme.

Gazeta thotë se autoritetet ushtarake egjiptiane kanë refuzuar kerkesën e protestuesve për një kalim të shpejtë të pushetit në administratë civile dhe se deri në zgjedhjet e ardhshme ajo do të qeverisë me ligj ushtarak.

Gazeta thotë se kryengritja në Egjipt se bashku ngjarjet në Tunizi vazhdojnë të kenë nje ndikim i madh anembanë rajonit, duke nxitur protesta edhe ne Algjeri, Sudan dhe Jemen.

Edhe The Financial Times mbulon ngjarjet në Egjipt në faqe të parë në artikullin me titull ushtria egjiptiane shpërbën parlamentin.

Gazeta thotë se ndonëse egjiptianët janë të shqetësuar sa i përket qëllimeve afatgjata të ushtrisë udhëheqësit e opozitës atje thonë se kanë mirëpritur ndryshimet aktuale.

E përditshmja The Times në një editorial sugjeron se presidenti Obama mund të jetë humbësi më i madh nga revolucioni në Egjipt.

Gazeta thotë se fakti se islamistët mund të vijnë në pushtet pas zgjedhjeve të ardhshme nuk është arsye që Amerika të jetë kundër zgedhjeve të lira në Lindje të Mesme.

Disa gazeta përqëndrohen edhe në temen se ku ndodhet aktualisht ish presidenti egjitpian, Hosni Mubarak.

Shumë prej tyre sugjerojnë se ai ndodhet në vendpushimin e Detit të Kuq, Sharm el Sheikh.

E përditshmja The Independent thotë se turistët besojnë se ai është atje, por rojet e armatosura në pallatin e tij të dimrit nuk thonin asgjë.

Megjithatë, një oficer me rroba civile i tha korrespondentit të së përditshmes The Guardian se zoti Mubarak ishte atje.

Personeli në një hotel tjetër aty afër konfirmojë për The Times se ai ishte aty por gjithashtu thanë se kishin qenë të paralajmëruar për të mos diskutuar praninë e tij.