Vetëm ushtria kineze dhe hekurudhat indiane punësojnë më shumë njerëz se sa shërbimi shëndetësor britanik - thotë e përditshmja Financial Times.

Gazeta thotë se planet e qeverisë britanike, të cilat përfshijnë edhe kalimin e kontrollit të buxheteve tek mjekët, janë "aq të mëdha sa ato mund të shihen nga gjithësia.

"Pyetje skeptike janë të shumta," thotë Guardian. Reforma, sipas kësaj gazete, do të jetë e shpejtë dhe i furishme dhe në një kohë të vështirë kur mungojne fondet si rezultat i klimës së përgjithshme ekonomike dhe financiare.

Daily Mirror përshkruan propozimet si një "ndërmarrje me rreziqe të larta. Kjo është një ndërmarrje jashtëzakonisht e madhe thotë një e përditshme tjetër, Daily Express.

Daily Star, një e përditshme tjetër shpreh bindjen se megjithatë diçka duhet bërë: "Shërbimet tona publike kushtojnë shumë por shpesh nuk ofrojnë nivel shërbimet e duhura.

E përditshmja Times mbështet drejtimin e përgjithshëm që po merr qeveria, por ajo ka frikë se ministrat mund të ndalin vendosjen e objektivave në një periudhe të hershme të procesit."

Nga zhvillime dhe çështje të tjera në të cilat përqëndrohet shtypi i sotëm britanik janë edhe hetimet në rrethanat në të cilat Britania hyri në luftë në Irak.

Gazeta Times e sheh deklaratën e ish Prokurorit të Përgjithshëm, Lordit Goldsmith rreth hetimeve, si një pretendim se Tony Blair kishte keqdrejtuar deputetët.

Daily Mail thotë se pohimet e bëra nga Lordi Goldsmith në dëshmitë e shkruara në hetim janë "eksplozive".

Ndërsa një e perditshme tjeter Independent mendon se komentet e tij i kanë dhënë një frymë të re këtyre hetimeve, që kanë filluar që në vitin 2009.

Dhe në fund sipas Guardian një mister historik mund të jetë zgjidhur nga policia italiane.

Javën e kaluar policët italiane duket se kanë kapur një njeri duke ngarkuar një pjesë të një statuje të lashtë në një kamion dhe arkeologët shpresojne se kjo pjesë i takon varrit të humbur të perandorit Kaligula.