Assange në qendër të shtypit britanik

Gazeta shkruan se Julian Assange pritej të dilte sot përpara një gjykate në Mbretërinë e Bashkuar pasi avokatët e tij thanë mbrëmë se ai do të shkonte vullnetarisht në polici për të diskutuar një urdhër arresti nga Suedia që ka lidhje me shkelje të natyrës seksuale.

Ndërkohe kjo gazetë citon kryeprokurorin amerikan Eric Holder te ketë thënë se ai ka autorizuar një numër gjërash që duhen bërë për të luftuar këtë grup, ndërsa Julian Assange vazhdon përpjekjet e veta ligjore për të shmangur ekstradimin.

Gazeta The Guardian citon avokatin e Julian Assange, Mark Stephens të ketë thenë se ai nuk është paditur, por se avokatët e tij po bëjnë përpjekje për t'u takuar me policinë vullnetarisht. Mbrëmë Assange i kërkoi përkrahësve të tij të mblidhnin një sasi të hollash, si depozitë sigurie për lirimin e tij me kusht.

Bëhet fjalë për një shumë të hollash prej £100.00 deri në £200.00, si edhe pesë persona që të dalin garant për të.

Ndërsa Gazeta The Times shkruan:

"Bllokohet llogaria bankare e themeluesit të Wikileaks, ndërsa dojet tregojne lehtesimin e diplomateve pas lirimit te Al Megrahi-it.
Ky informacion bëhet i ditur pasi Julian Assange i bllokuan llogarinë bankare. Informacionet e fundit të botuara nga Wikileaks shkruajnë se ambasadori britanik u ndje shumë i lehtësuar për faktin që Megrahi do të kthehet në Libi për arsye humanitare".

Gazeta sjell reagime të të afërmve që gjetën vdekjen si shkak i shpërthimit në Lockerby dhe zhgënijimin e tyre në lidhje me këto informacione.

Wikileaks po përballet me ndëshkim në rritje, shkruan gazeta the Financial Times.

Presioni ndaj wikileaks sa po vjen dhe po shtohet shkruan kjo gazetë, me kërcënime ligjore dhe kritika. Zyrtarët amerikanë kanë paralajmëruar vendet dhe grupet private që të mos kenë kontakte me Wikileaks për shkak te shkeljeve që i ka bërë ajo ligjeve amerikane.
Ndërkohë Zoti Assange nuk është paditur dhe ai mohon gjithçka për të cilën ai akuzohet të ketë bërë.

Edhe gazeta The Daily Telegraph i kushton një pjesë të shkrimeve te saj Julian Assange
themeleuesi sekret i Wikileaks, do t'i vetëdorëzohet policisë shkruan The Daily Telegraph. Australiani 39 vjecar ka qenë nën tension të vazhdueshëm që nga botimi i mijrave dokumenteve sekrete gjatë javës që shkoi. Kjo gazetë citon zëdhënësen e Wikileaks, Kristin Hrafinson, të ketë thënë se zoti Assange është detyruar të qëndrojë në hije pas shumë kërcënimeve që i janë bërë për jetën.