Dita e dytë e protestave të mëdha kundër rritjes së pagesave të shkollimit universitar dominon një numër të madh të faqeve të para në Mbretërinë e Bashkuar.

E përditshmja The Guardian thotë se dhjetëra mijëra nxënës dhe studentë u larguan nga klasa, marshuan dhe pushtuan ndërtesa publike anembanë Britaninë së Madhe.

E përditshmja The Daily Mail ka titullin "Zemërimi i vajzave protestuese".

Shumë gazeta kanë artikuj që thonë se studentët që dolën në rrugë dje ishin të drejtuar nga femra udhëheqëse.

Një e përditshme tjetër The Financial Times njofton se David Cameron dëshiron qe ministri Liberal-demokrat, David Laws të kthehet në kabinetin e tij ".

Z Laws dha dorëheqjen si shefi i Sekretarit të Thesarit më pak se tre javë më parë u emërua për shkak të një skandali që lidhej me shpenzimet e tij.

The Daily Telegraph kishte njoftuar për herë të parë lidhur me skandalin që çojë në dorëheqjen zotit Laws.

E përditshmja The Independent në faqe të parë ka krizën e euros dhe sjellë titullin "Luftë e dëshperuar për të shpëtuar euron".

Gazeta thotë se euro po përjeton një krizë të re të thellë pasi dje investitorët filluan të shesin bono qeveritare të Spanjës, Portugalisë dhe Belgjikës duke ringjallur kështu shqetësimet se këto vende janë duke shkuar në rrugën Greqise dhe Irlandës.

Disa analistë të ekonomisë thonë se kjo mund të thotë se tregjet tani e shohin shpërbërjen e euros si një mundësi reale.

E përditshmja The Sun njofton disa komente nga Shefi Policor, Sir Paul Stephenson se kërcënimi terrorist është më i lartë që nga viti 2007.

Ajo thotë se Policia e Londrës kishte rikthyer reputacionin e saj të mërkurën me "trajtimin e shkëlqyer" të protestës studentore në Londër.