E përditshmja The Guardian thotë se shpallja e fejesës se Princit William me Kate Middleton ishte si e papritur poashtu edhe e shumëpritur.

Gazeta thekson faktin se martesa mbretërore që do të zhvillohet vitin e ardhshëm përkon me kohë të vështira ekonomike të Britanisë së Madhe.

Ndërsa The Independent një prej gazetave të rralla që në faqe të parë nuk ka foto të qiftit te sapofejuar thotë se shpallja a fejesës ishte shkrepja e pistoletës në një garë për të siguruar çdo gjë të nevojshme për martesen mbretërore - nga suvenirët përkujtimor e deri tek fustani i nuses.

Ajo vjen si një pikë e ndritshme e shumëpritur në një kohë përgjithësisht të zymtë per shkak të situates ekonomike - thotë gazeta.

Gazetat gjithashtu kanë filluar debate rreth të gjitha aspekteve të dasmës si rrobat, datat dhe vendet favorite e deri tek listat e të ftuarve, destinacionet e muajit të mjaltit dhe nëse dita e martesës së tyre do të jetë edhe festë kombëtare.

Për të përditshmen The Daily Express, një martesë mbretërore do të jetë një arritje për të gjithë kombin.

Ndërsa The Daily Star një e përditshme tjetër beson se Britania asnjëherë më pare nuk ka qenë kaq e dëshpëruar për një ngjarje shpresëdhënëse dhe çifti nuk do të mund të kishte zgjedhur një kohë më të mirë për të njoftuar lajmin e tyre.

Sipas Daily Telegraph kjo ishte një rreze drite në qiellin e ngrysur britanik.

Gazeta sjell titullin "Katie eshte shume speciale ..." - ky është mendimi i Princit për nusen e tij të ardhshme dhe kjo ishte asryea pse ajo meritonte unazën e nënës së tij te ndjerë, Princeshës Diana.

Gazeta thotë se pas shtatë vjet pritjejeje dhe spekulimesh, çifti shpalli fejesën e tyre vetëm disa orë pasi i kishin treguar Mbretëreshës dhe Princit Charles.

Gazeta të ndryshme kanë filluar debatin se si të festohet më së mire kjo martesë në kohëra të vështira ekonomike kur vendi ka nevojë për të kursyer.

E përditshmja The Daily Mail mendon se pallati mbretëror duhet të jetë i kujdesshëm që të planifikojnë një martesë të paharrueshme, por disi më personale se sa ishte ajo e prindërve të tij, Princit Charles me Princeshën Diana ne vitin 1981.

The Daily Mirror shpreson se kjo martesë mbretërore do ti përshtatet kohërave të ashpra ekonomike nëpër të cilat po kalon vendi.

Por e përditshmja The Sun beson se kjo duhet të bëhet "ashtu siç duhet".

Gazeta i bën thirrje autoriteteve britanike të mos e poshtërojne vendin duke e thjeshtësuar tepër dasmën mbretërore për shkak të situatës ekonomike.