"Sopata do të bie mbi të varfërit", thotë e përditshmja, The Guardian.

Analistja e kësaj gazete, Polly Toynbee mendon se ata më paga të ulta, të sëmurët dhe ata që varen nga benefitet sociale do të preken më së shumti.

Ndërsa nga ana e saj e përditshmja, Daily Telegraph, për dallim nga Gaurdian paralajmëron se është klasa e mesme ajo që do të humbas një shumë mesatare prej 10.000 mijë sterlinave (13 mijë euro afërsisht ) në vit.

Gazeta gjithashtu mendon se gratë do të vuajnë në mënyrë disproporcionale nga këto masat.

Një e përditshme tjetër, Financial Times, citon një financier i cili thotë se shkurtimet janë "më brutale që nga skena e dushit në filmin e Hichkokut Psycho.

Megjithatë, ai beson se bota financiare ishte "i paprekur" sepse tregjet e tregtisë lulezojnë në befasi dhe këtu nuk kishte asnjë befasi ".

Daily Mirror thotë se britanikët duhet të jenë të shqetësuar për shkak të planeve të cilat do të shkatërrojnë tërësisht ekonominë e brishtë britanike.

Me pak fjalë, ajo është ekonomia e çmendur, thotë gazeta.

Disa nga gazetat, ndërsa shprehen më optimiste, besojnë se George Osborne ka bërë gjënë e duhur:

E përditshmja The Sun përpiqet të jetë më e kujdesshme në optimizmin e saj. Ajo thotë se çdo krizë ka edhe mundësite e reja.

Daily Mail e quan ditën e djeshme "e mërkura historike" dhe e cilëson atë si një ditë në rrugën e rimëkëmbjes", edhe pse edhe ajo mendon se është "çmenduri" për të prerë fondet e biznesit, ndërkohë që duke rritur ndihmat ndërkombëtare.

Daily Express pajtohet se zoti Osborne kishte për të zgjidhur problemet e trashëguara nga Gordon Brown dhe qeveria e tij e kaluar laburiste por ajo gjithashtu do të dëshironte që edhe ndihmat për jashtë të goditeshin nga shkurtimet.

Gazetat e sotme sjellin edhe shumë karikatura që si temë kanë shkurtimet e shpenzimeve publike.

Times ka në faqe të parë një karikaturë të ministrit të financave George Osborne, si një personazh negativ i filmit duke mbajtu një sopatë të madhe e cila pikon gjakë.

Ndërsa karikatura në The Independent tregon kontrastet e masave në Francë dhe Britani. Ne kuzhinat e tyre përkatëse, Britaniku është duke përgatitur një çaj, homologu i tij francez është duke përgatitur shishen e molotovit.