http://www.bbcalbanian.com

Botuar: E hënë, 12 korrik 2010 - 13:09 CET

Shtypi për Botërorin dhe fitoren e Spanjës

Shtypi britanik i së hënës ndalet tek përfundimi i Botërorit dhe finalja e tij, për të cilën thotë se është klasë më vete, por për arsyet e gabuara.

Gazetarët sportivë janë të kënaqur me rezultatin në finale.

TIMES e quan Spanjën "kombin futbollistik më të mirë të epokës."

"Kampionët që ia vlejnë" thotë DAILY TELEGRAPH, "të angazhuar në mënyrë të lavdishme për të luajtur siç duhet."

Por toni mbizotërues i mbulimit të finales, është kritikë përsa i takon taktikave të zgjedhura nga Holanda.

"Holandezët kishin shkuar për të luftuar," shkruan INDEPENDENT, "dhe zgjodhën për të jetuar me pasojat".

DAILY MIRROR e përmbledh stilin e tyre me shprehjen "nallanet e luftës" dhe në vend të shprehjes futboll total që karakterizon stilin e tyre, e përditshmja thotë se në finale holandezët kanë praktikuar, "huliganizëm total".

DAILY MAIL, është zhgënjyer që "vendi që i ka dhënë botës futbollin total" të luante si në finalen e së djelës.

GUARDIAN e quan ekipin holandez "palën në masë të madhe fajtore."

DAILY EXPRESS thotë se fatkeqësisht finalja nuk ishte një ndeshje që mund ta ndiqje me interes.

"Nuk ishte gara që bota donte të shikonte", shkruan e përditshmja.

TIMES, thotë se në botë "njerëzit u kyçën para ekraneve për t'u entuziasmuar", por në vend të kësaj "panë ndeshjen më të shëmtuar dhe më të pakëndshme të finaleve të Botërorit."

SUN dhe MIRROR e përshkruajnë fitoren e ekipit spanjoll me një fjalë "drejtësi."

SUN shkruan se fitoi ekipi i duhur, ndërsa MIRROR shkruan se "spanjollët janë më të mëdhenjt e botës."

GUARDIAN e përshëndet triumfin e tyre si "demonstrim që futbolli i luajtur në mënyrën e mund të jetë një formë arti."

Sikurse sulmuesit spanjolle pranë zonës se rreptisë, gazeta duket sikur vihen në rradhë për të përgëzuar vendin organizator të Kupës së Botës, Afrikën e Jugut.

TIMES shkruan se Afrika e Jugut "u ngrit mbi problemt e saj duke organizuar turneun që shkoj më vaj në histori".

NDEPENDENT mendon që çdo afrikanojugor duhet të ndihet krenar për atë që kanë arritur.

Ndërsa DAILY TELEGRAPH thotë se "parashikimet e rënda për kaos, dolën të gabuara".

megjithatë gazetë dyshon nëse turneu do të mund ta arrijë shumë për të ndryshuar vendin.