E përditshmja The Times sot në faqet ndërkombëtare sjellë artikullin me titullin "Kryetari i serb i një bashkie në Kosovë parashikon të ardhme të ndritshme për këtë vend."

Fjala është për kryetarin e bashkisë të komunës së Shtërpcës, Bratislav Nikoliç, i cili në artikull flet për presionin gjatë zgjedhjeve të kaluara që ai kishte për të bojkoktuar zgjedhjet.

Ai tha se presioni ishte kryesisht nga serbët radikalë që dëshirojnë të shkaktojnë probleme.

Zoti Nikoliç e mohoi se i kishte dhënë mbështetje vendimit të GJND-së, i cili e quajti të ligjshme pavarësinë e Kosovës, por ai tha se misioni i tij ishte lokal - që të ndihmonte bashkëatdhetarët e vet që të gjenin punë si dhe te silte invetsime të reja në bashkinë e tij.

Autori i artikullit thotë se bashkia e Shtërpcës ka një potencila të madh ekonomik për shak se në këtë komunë është Brezovica, vendskijimi i njohur në rajon, i cili gjatë kohës së ish-Jugosllavisë tërhiqte më shumë se 40 mijë turistë në vit por tani ai ka vuajtur nga mungesa investimesh për më shumë se një dekadë.

Zoti Nikoliç thotë se ka plane që të organizojë një konferencë për investitorë vitin e ardhshëm.

Ai tha se ky vend-skijim duhet të jetë kryeqyteti turistik i Kosovës, përfundon artikulli në The Times.

Gjithashtu gjatë fundjavës në një editorial me titull "Pesimizmi i pavend rreth pavarësisë së Kosovës në Independent thotë se vendimi i Gjykatës Ndërkombëtare të Drejtësisë ka shokuar serbët dhe shqiptarët , për të keq dhe të mirë, respektivisht.

Autori thotë se të gjithë pritshin se vendimi do të linte hapësirë për interpretim personal për të gjithë por vendimi ishte i prerë në favor të shqiptarëve të Kosovës.

Ky rezultat ishte katastrofë për serbët, thotë eidtoriali në Independent.

Kjo, sipas gazetës, shënon fundin e fushatës së Beogradit për të penguar pavarësinë e Kosovës.

Nëse Serbia vendos që të bisedojë me Kosovën tani do ta bëjë atë nga një pozitë shumë më e dobët.

Serbët, thotë editoriali e ndjejnë vehten të poshtëruar dhe të zemëruar sepse e shohin Kosovën si historikisht pronë të tyre.

Edhe pas këtij vendimi, autori i editorialit thotë se ky vendim nuk do të ndikojë në raste të tjera të ngjashme me rastin e Kosoves.

Ligji vetëm mund të informojë vendimarrjet e ardhshme ndërsa rastet si ai i Kosovës do të shqyrtohen mbi meritat individuale, thotë Independent.