E përditshmja The Guardian në faqe të parë sjellë një foto të dominove gjigante të pikturuara me mesazhe të ndryshme paqësore që janë vendosur në vendin ku më parë ka qenë Muri i Berlinit dhe që sonte më vonë do të rrëzohen në mënyrë simbolike për të shënuar 20 vjetorin e rënjes së murit.

Gazeta ka si titull kryesor 'Momenti i lirisë që ndryshoi historinë botërore'.

Duke shkruar në The Guardian, Timothy Garton Ash thotë se rrëzimi i Murit të Berlinit ishte një moment kur liria botërore tregoi forcën e vërtetë.

Edhe e përditshmja The Independent i kushton shtojcë speciale rënjes së murit të Berlinit nën titullin 'Java që shokoi botën'.

E përditshmja The Daily Telegraph në faqet ndërkombëtare sjell artikull rreth 20 vjetorit të rënje së murit ku thekson se tani 20 vjetë pas këtij momenti vendimtar gjermanolindorët kanë arritur nivelin e standardit jetësor të përafërt me atë të gjermanoperëndimorët.

Edhe e përditshmja The Financial Times i kushton faqe të tëra 20 vjetorit të rrëzimit të Murit të Berlinit duhet të mbetet përgjithmonë në mendjet tona për shkak se na kujton faktin se sa të rëndësishme janë të drejtat e njeriut.

E përditshmja The Sun ka intervistuar dy gjermanolindorët e fundit që kanë bërë përpjkje për të kaluar murin në menyrë të paligjshme.

Bert Greiser dhe Michael Bachmann me 8 prill nuk kishin ide se kishin mbetur vetëm disa muaj para se të rrëzohej kështu që atë ditë ata hynë në histori si personat e fundit që kanë bërë përpjekje të kalojnë ne Gjermaninë Përndimore.

Shumë prej gazetave botojnë foto karakteristike të 20 viteve të fundit kur u rrëzua muri.