Plavsiç u dënua nga Haga në vitin 2003

Kjo gazetë, ashtu si dhe të tjerat i kushton vëmendje procesit gjyqësor që po zhvillohet në Hagë ndaj pararendësit të znj. Plavshiç në post, Radovan Karaxhiç.

"Kërcënimet e Karaxhiçit për kasaphanën e myslimanëve" shkruan një titull në Times, duke iu referuar transkripteve të telefonatave të z. Karaxhiç që iu paraqitën të martës gjykatës.

"Gjykatësit e Hagës refuzuan që ta lejonin bojkotin e z. Karaxhiç që të pengonte procedimin (e procesit)," shkruan gazeta në një artikull nga Haga.

Ndërkohë në një koment rreth procesit, Times lëvdon prokurorët e çështjes që sipas saj, "morën në dorë inisiativën" dhe bënë një çelje "bindëse" të procesit vetëm një ditë pasi u duk se z. Karaxhiç kishte avantazhin me refuzimin për t'u paraqitur në sallën e gyjqit.

Karaxhiç dhe Plavshiç

Edhe Guardian boton të njëtën foto të znj. Plavshiç në faqet e saj të brendshme dhe shkruan se "nacionalistja ekstreme serbe" dhe "ish kolegia e ngushtë e Karaxhiçit" u prit në aeroportin e Beogradit nga kryeministri i serbëve të Bosnjës, Milorad Dodik dhe do të ruhet nga policia pas lirimit.

Në një artikull nga Haga, gazeta shkruan se në procesin gyjqësor ndaj Karaxhiçit, prokurorët i treguan gjykatës për planet e tij 'mizore' për të shfarosur myslimanët.

"Juristi amerikan Alan Tieger që drejton palën e akuzës paraqiti për disa orë dëshmi grafike kundër Karaxhiçit, duke përfshirë transkripte të telefonatave ku liderë ushatarë kërcënojnë ta shfarosin komunitetin mysliman nëse Bosnja do të shpallte pavarësinë nga Jugosllavia".

Independent boton në faqen e parë një fotografi të Karaxhiçit dhe një citim nga një deklaratë e tij që u citua në gjyq. "Sarajeva do të jetë një kazan i zi ku do të vdesin myslimanët. Ata do të zhduken, ata njerëz do të zhduken nga faqja e dheut".

Gara për presidencën

Një zhvillim tjetër të cilit i kushtohet vëmendje në shtypin e sotëm britanik është dhe ajo që Financial Times në faqne e parë e prëshkruan si "garën që po ndizet për tu bërë presidnet i Be-së".

Gara, shkruan gazeta u intensifikua të martën kur kryeministri veteran i Luksemburgut, Jean Claude Juncker, paraqiti kandidaturën e vet si rival potencial të ish- kryeministrit britanik Blair.

"Kryeministri i Luksemburgut lufton Blair-in për presidencën e BE-së," shkruan Independent.

Times ndërkohë në një artikull me të njëtën temë, zgjedh të botojë një fotografi të udhheqësit të konservatorëve britanikë, David Cameroon, të cilën e shoqëron me legjendën se z. Cameroon ka bërë një fushatë lobimi tek politikanët evropianë kundër kandidaturës së z. Blair.