Rekordi i tij prej 15 Grand Slameve i siguron atij titullin e tenistit më të suksesshëm të të gjitha kohërave.

E përditshmja The Independent, thotë se Federer është kampion i kampionëve.

Ndërsa The Times, ka në faqe të parë fotografinë e Federerit duke kërcyer në ajër me titullin kërcim në librat e historisë, pasi ai mundi tenistin amerikan, Andy Roddick pas ndeshjes gjithashtu rekorde, më e gjata ndonjëherë, pasi seti i fundit përfundoi 16-14 në favor të Federerit.

Ish i burgosuri i Guantanamos

E përditshmja The Guardian në faqe të parë merret me një qytetar britanik, Binjam Mohamed, ish i burgosur i Guantanamos.

Gazeta thotë se ai ka filluar një përpjekje juridike për të parandaluar gjykatat amerikane që të shkatërrojnë dokumentacionin që mund te jenë dëshmi të rëndësishme rreth abuzimit të tij në kampin Guantanamo.

The Daily Mail , një e përditshme tjetër si ngjarje kryesore ka hakerin britanik te kompjuterave, Gary McKinnon i cili kërkohet nga autoritetet amerikane për ndërhyrje në websajtin e Pentagonit.

E përditshmja, The Daily Express thotë se shkencëtarët kanë gjetur dëshmi se pirja e disa filxhanave me kafe në ditë ndihmon në tejkalimin e disa simptomave të sëmundjes Alzheimer.

Ekspertët thonë se kafeina ndihmon në mprehjen e memories e cila është nga ato që pëson më së shumti në rastin e kësaj sëmundjeje.