E përditshmja The Daily Mail e quan vrasjen e oficerit më të lartë britanik të vrarë në Afganistan, Kolonel Lejtnantit Rupert Thorneloe si një fitore të fuqishme propagandistike për Talibanin.

The Daily Mirror mendon se nderimi më i madh për të është që ai ka vdekur duke udhëhequr trupat e tij në vijë frontale.

Ndërsa sa i përket ofensivës së madhe të forcave amerikane në Afganistan, The Daily Telegraph thotë se është mbresëlënëse shkalla e kësaj pranie ushtarake atje.

Gripi i derrave kthehet në fokus të shtypit britanik.

Parashikimet më të fundit për numrin e personave që priten të infektohen me gripin e derrave në Britani gjatë muajve të ardhshëm kanë rezultuar me disa tituj alarmues por dhe me thirrje për qetësi.

E përditshmja The Mail thotë se gripi i derrave do të prekë miliona britanikë ndërsa një e përditshme tjetër Dialy Mirror flet për atë që e quan dalja jashtë kontrollit e këtij virusi.

Por në të njejtën kohë shumica e gazetave përpiqen që të ngushëllojnë lexuesit se Britania nuk ka nevojë që të shqetësohet rreth këtij gripi, i cili deri tani ka qenë kryesiht i manifestuar me simptoma më të buta se një influencë e zakonshme.

Një gazetë tjetër The Daily Express u bënë thirrje lexuesve që të vazhdojnë jetën normalisht.

Vëmendja nga gjysëm finalet e Wimbledonit

Zakonisht nga fundi i turneut të Wimbledonit vëmendja e britanikëve fokusohet në praninë ose mospraninë e tenistëve britanikë.

Këtë herë britanikët janë të entuziazmuar me paraqitjen dinjitoze të skocezit Andy Murray i cili sot mund të ndryshojë historinë e Wimbledonit duke u bërë tenisti i parë që arrinë në finale nëse do të mundi amerikanin Andy Roddick.

Gazetat The Time dhe Daily Express tregojnë fotografi të tij duke qeshur çfarë sugjeron se ai është i relaksuar në prak të ndeshjes së tij më të rëndësishme në Wimbledon.