THE TIMES shkruan se "epoka e re e paralajmëruar e transparencës u shkri në bojën e zezë"- thotë gazeta duke shtuar se nuk jepen hollësitë kryesore të këtyre llogarive.

Sipas saj, në disa raste jepet vetëm shuma e parave, ndaj publikimi i llogarive nuk ka kurrfarë kuptimi,- thotë kjo e përditshme duke kritikuar deputetët se kanë manifestuar një mosrespektim të plotë ndaj qytetarëve.

THE INDEPENDET, po ashtu, në faqe të parë ka titullin "Terri informativ". Deputetët më në fund nxjerrin shpenzimet që kanë bërë, por me blloqe të shumta të dokumentevge të censuruara, kështu që kurrë nuk do të dimë sesa prej tyre kanë shmangur taksat. Megjithatë, thotë gazeta, është bërë e ditur se Toni Bler ka futur si shpenzime riparimin e çatisë me vlerën 6.990 stërlina, dy ditë para se të largohej nga posti i kryeministrit. Gjithashtu, lideri i opozitës, David Cameron, do të duhet të kthejë 947 stërlina për disa fatura të gabuara.

Edhe THE DAILY TELEGRAPH në faqe të parë ka titullin me shkronja të zeza të mëdha "Terr informativ, mbulimi i madh i shpenzimeve. "

Në faqe të parë është një faturë që duket se është e kryeminstrit Gordon Brown- pasi përveç emrit dhe sasisë së parave prej 83 stërlinash nuk duket asgjë tjetër.

Gazeta, që këtë aferë e zbuloi para disa javësh, paralajmërion se në fundjavë do të botojë llogari të pacensuruara. Sipas saj, parlamenti britanik nga këto pësime serioze duket se nuk ka nxjerrë kurrfarë mësimesh.

THE GUARDIAN del me titullin "Shpenzimet - terr informativ."

Gazeta thotë se deputetët u akuzuan dje se kishin mbuluar ndjeshëm shpenzimet e tyre pasi qindra mijëra dokumente të botuara kishin pjesë të shumta të mbulara dhe asgjë nuk mund të dallohej.

Deputetët, thotë gazeta, akuzohen se kanë bllokuar një gjë të tillë.

Po për këtë çështje FINANCIAL TIMES shkruan "Terri informativ i dhomës së ulët të parlamentit nën sulm", ndërsa artikulli tjetër thotë: "Një ditë tjetër e errët po agon për Westminster-in."