"Masakër në Bombei"

Të hartuara dhe të kryera me gjakftohtësi po aq sa sulmet në Madrid dhe Londër, ato ishin -- beson gazeta -- ndryshe nga sulmet e mëparëshme ndaj civilëve në Indi.

Planifikim i një lloji ushtarak çoi në organizimin e një sulmi që kishte si qëllim të godiste qytetin më të pasur të Indisë.

Më tej kjo gazetë shkruan: "Masakër në Bombei"

Ushtarët indianë goditën dje qendrat e fshehta të militantëve islamikë në Bombei, pas një dite të përgjakshme ku gjetën vdekjen 120 vetë, u plagosën me qindra të tjerë, ndërsa ministri i jashtëm fajësoi forcat e jashtme.

Gazeta The Times shpreh friken se India po sheh drejt humnerës -- dhuna ekstremiste ka tundur bazat e një shoqërie shekullare.

Gazeta shkruan se për javë të tëra shërbimet sekrete perëndimore kishin paralajmëruar se al-Qaeda po planifikonte atë diçka "spektakolare" përpara se Barack Obama të merrte postin. Qëllimi ishte që të demonstronin një brutalitet që do të shokonte të gjithë.

Terrori e fut Indinë në një gjendje amullie - shkruan gazeta The Times.

India dje akuzoi Pakistanin për sulmet ndërsa komandot luftonin ndaj atyre që dyshoheshin si terroristë islamikë në korridoret e dy hoteleve më të mira në Bombei.

Gazeta Idependent ka shkrimin me titull "Fjalët e fundit", ku tregon per fjalet e fundit te milionerit britanik, Andreas Liveras, ndërsa ai përshkroi sesi u bllokua në hotelin Taj Mahal në Bombei nga persona të armatosur. Pak pasi dha intervistën me telefon celular, atë e vranë.

Gazeta Financial Times ka shkrimin me titull India fajëson Pakistanin.
Komandot indianë luftuan nëpër dhoma me terroristët në dy hotelet luksoze në Bombei ndërsa kryeministri Manmohan Singh fajësoi Pakistanin për sulmet.

Shtypi britanik mes të tjerash përqëndrohet edhe tek lajmi se parlamenti i Bagdadit përcakton afatin e tërheqjes së trupave amerikane nga Iraku.
31 dhjetor 2011: dita që ushtari i fundit amerikan do të largohet nga Iraku - shkruan gazeta The Independent.

Pas negociatash të tëra, parlamenti i Bagdadit përcakton afatin për tërheqjen e trupav amerikane. Me një shumicë votash ky parlament votoi për t'i dhënë fund kontrollit ushatrak amerikan të vendit -- kthesë kyç kjo në konfliktin e Irakut.

Sipas kësaj marrëveshjeje të sigurisë, forcat amerikane duhet të largohen nga qytetet dhe fshatrat e Irakut deri në 30 qershor të vitit që vjen. Ndërsa trupat amerikane duhet të tërhiqen nga territori Irakian deri në 31 dhjetor të 2011.