FMN thotë se ekonomia britanike do të pësojë reçension të rëndë

Financial Times shkruan për një paralajmërim të Fondit Monetar Ndërkombëtar se ekonomia britanike po shkon drejt reçensionit të plotë.

FMN-ja thotë se Britania e Madhe mund të jetë një prej vendeve të prekura më rëndë në mesin e ekonomive më të mëdha.

Papunësia mund të rritet në 6 për qind vitin e ardhshëm nga 5.4 për qind që ishte këtë vit.

FMN-ja tha se ekonomia botërore ishte duke shkuar drejt shkokut më të rëndë në tregjet e zhvilluar financiare që prej viteve 1930.

Në një koment Financial Times shkruan se me vendimet e fundit, Evropa është duke bërë histori përsa i takon menaxhimit të krizës.

Autori i shkrimit thekson se Evropa nuk ka qënë asnjëherë e mirë në menaxhimin e emergjencave.

Artikulli citon presidentin e Bankës Qendrore Evropiane, Jean Claude Trichet, i cili deklaroi në takimin e ministrave të Financave në Evian se "në këtë krizë jemi që të gjithë bashkë në këtë krizë, duke e shkruar historinë për menaxhimin e krizës teksa po përballemi me të.

Përtej titujve shkruan e përditshmja britanike financiare, koordinimi mes vendeve të Evropës mund të jetë më i mirë, sesa duket.

Ministrat e Financave të paktën ranë dakord në takimin e tyre për një numër rregullash dhe parimesh bazë.

E përditshmja Guardian bën siç thotë pyetjen me vlerë 500 miliard stërlina: A është plani i shpëtimit të qeverisë për bankat një hap i mirëpritur, përpara apo thjesht një kalim i pakujdeshëm i problemit.

Daily Telegraph thekson se pak veta ndihen mirë përsa i takon gjysëm-shtetëzimi të bankave apo shkallës monumentale të parave të taksapaguesve.

Times bën një krahasim me angazhimet e laburistëve në fushatën elektorale në 1983 për të marrë në kontroll bankat.

Masat e njoftuara të mërkurën shënojnë edhe një vendim të një premtimi 25 vjeçar manifestoje.

Një tjetër çështje që mbulohet në shtyp në faqet ndërkombëtare është edhe propozimi i Rusisë për një plan për sigurinë.

Presidenti i Francës, Nicolas Sarkozy e përshëndeti kërkesën e Rusisë për një plan sigurie në Evropë, por theksoi se bisedimet për këtë duhet të përfshinin edhe partnerët ervopianë të Aleancës së Antlantikut.

Financial Times shkruan se duke patur në shënjestër Nato, presidenti rus tha se asnjë strukturë nuk duhej të lejohej në Evropë në rast se ishte në përfitim të njërës palë dhe në disavantazh të palës tjetër.

Medvedev tha se përpjekja e SHBA-së për të krijuar një botë uni-polare si në fushën politike dhe ekonomike kanë dështuar.

Guardian duke shkruar për paktin e sigurisë të prezantuar nga presidenti rus Medvedev, në konferencën për Politikat Botërore theksoi planet për një pakt për të ndaluar përdorimin e forcës në Evropë dhe për të shkarkuar tensionet Rusi-Nato.

E përditshmja shkruan se deklarata ishte një stërvitje për të ndërtuar një urë lidhëse pas pushtimit rus të Gjeorgjisë.

Gazeta citon një analist David Clark nga Fondacioni Rus me qendër në Londër, i cili e sheh fjalimin e Medvedevit "si një fjalim revizionist" dhe si një përpjekje për të rishkruar marrëveshjen e pas Luftës së Ftohtë.

"Moska kërkon një marrëveshje sigurie të mbështetur në forcë dhe jo në vlera," thotë David Clark.

Në një tjetër zhvillim ndërkombëtar, e përditshmja Financial Times shkruan se kriza financiare globale është gjëja e fundit në mendjet e ministrave të Mbrojtjes kur ata të mblidhen në Budapest për një takim jozyrtar dyditor.

Situata në Afganistan dhe sfidat e paraqitura nga Rusia në Gjeorgji i kanë dhënë Aleancës shumë për të menduar.

Megjithatë kriza mund të jetë në mendjet e ministrave evropianë pasi u duhet të diskutojnë për shjpenzimet dhe si t'i koordinojnë operacionet e tyre në Afgansitan për të kursyer shpenzimet.