Gazetat në Evropë thonë e statusi i Kosovës duhet të zgjidhet

Derisa Kosova ditën e enjte është përballur me dhunën më të rëndë që nga përfundimi i konfliktit të armatosur në vitin 1999 BERLINER ZEITUNG i Gjermanisë shpreh "zhgënjimin" me faktin se OKB-ja, BE-ja dhe NATO kanë "dështuar plotësisht në qëllimin e tyre për të shtendosur konfliktin ndëretnik".

Gazeta pohon se shkalla e lartë e papunësisë është pjesërisht fajtore për ringjalljen e asaj që e quan "ëndërra të vjetra për Serbinë e Madhe në njërën dhe Shqipërinë e Madhe në anën tjetër".

Ajo beson se të dyja palët do të dëshironin të shihnin bashkësinë ndërkombëtare të ketë ikur për t'u mundësuar atyre realizimin e idealeve "përfshirë edhe spastrimin etnik".

Kjo është arsyeja pse, thotë gazeta, "shpërthimi i dhunës duhet të mundet vendosmërisht, përfshirë edhe, jo ekskluzivisht, përdorimin e forcës".

DIE TAGESZEITUNG beson se pavarësia është e vetmja zgjidhje për Kosovën.

Gazeta paraqet qëndrimin se konflikti nuk është marrë seriozisht nga politikanët evropianë ose opinioni "dhe në veçanti ai në Gjermani dhe Francë".

"Popullata e ish-Jugosllavisë ndjehet e vetmuar", thotë gazeta.

Gazeta pohon se prospekti i qartë për pavarësinë do të minonte përkrahjen për radikalët shqiptarë të Kosovës.

"Autoritetet civile atëherë do ta kishin më të lehtë të mbrojnë veten dhe në bashkëpunim me bashkësinë ndërkombëtare, të garantojnë të drejtat e pakicave", shton ajo.

DER STANDARD i Austrisë pajtohet se shqiptarët janë "thellësisht të frustruar" me vendimin që statusi i Kosovës të mos shqyrtohet deri sa të mos plotësohen disa kritere në veçanti kthimi i refugjatëve dhe funksionimi i sistemit ligjor dhe atij ekonomik.

"Tani lufta e përgjakshme civile po kërcënohet me kthim", thotë gazeta duke shtuar "pak për shkak se bashkësia ndërkombëtare ka provuar ta mbajë pezull konfliktin e Kosovës më parë se ta zgjidh atë".

DIE PRESSE thotë se ndarja mund të mos jetë një zgjidhje e drejtë.

Gazeta pohon se kundërshtimi i perëndimit ndaj ideve të këtilla i ka inkurajuar ata, që i quan "krijues trazirash", të futen në dhunë me qëllim që të japin porosinë se vizioni i një shoqërie shumëkombëshe është një iluzion.

Ajo e pranon se ndarja e Kosovës do të shënonte një kthim prapa për politikat e bashkësisë ndërkombëtare në raport me Ballkanin.

"Por nëse Prishtina dhe Beogradi duan të arrijnë një marrëveshje rreth kësaj, atëherë bashkësia ndërkombëtare nuk duhet t'i pengojë ata", thotë gazeta.

Gazeta kryesore franceze LE MONDE paraqet pikëpamjen që quhet "shkatërrimi i procesit të krijimit të kombit (nation building) ashtu siç e paraqesin edhe gazetat gjermane.

"Kosova ka lënë përshtypjen sikur çdo gjë duhet të bëhet nga e para, se asnjë mësim nuk është mësuar dhe se bashkësia ndërkombëtare ishte e paaftë për të zbutur urrejtjen", thotë gazeta.

Ajo shton se dështimi qëndron "mbi të gjitha aspektet politike", sepse Kosova mbetet nën sovranitetin e Serbisë dhe Malit të Zi "derisa shumica dërmuese e kosovarëve duan pavarësi".

LE MONDE thotë se "rruga politike do të mbetet e bllokuar derisa bisedimet për statusin përfundimtar të mos fillojnë".

"Ata nuk kanë harruar asnjë gjë", thotë gazeta zvicerane TRIBUNE DE GENEVE duke iu referuar bashkësive në Kosovë.