http://www.bbcalbanian.com

Botuar: E premte, 18 mars 2011 - 16:26 CET

Kadare: Nga shkrimtarët më të suksesshëm

Ismail Kadare është nga shkrimtarët më të suksesshëm shqiptarë, sidomos në botë. Librat e tij janë përkthyer në rreth 30 gjuhë të botës.

Ai njihet për romanet e tij, por fillimisht u shqua për përmbledhjet me poezi.

Në vitet 1960 ai u përqëndrua tek tregimet deri në botimin e romanit të tij të parë, Gjenerali i Ushtrisë së Vdekur.

Në vitin 1996 ai u bë anëtar për jetë i Akademisë së Shkencave Morale dhe Politike të Francës.

Në vitin 2005 ai mori çmimin e parë ndërkombëtar Man Booker.

Kadare ka qenë disa herë kandidat për Çmimin Nobel në Letërsi.

Ai e ndan kohën e tij midis Shqipërisë dhe Francës.

BBC në shqip e ka intervistuar shumë herë shkrimtarin Kadare.

Arben Manaj i BBC-së bisedon me zotin Kadare në shtator 1995.