Një zëdhënës ushtarak amerikan tha se nuk ka shenja se aterimi i aeroplanit ishte pasojë e veprimit libian.

Ndërkohë, vazhdojnë luftimet mes kryengritësve dhe forcave besnike ndaj kolonel Gadafit.

Një mjek në qytetin perendimor të Mistratit citohet të ketë deklaruar se qyteti është granatuar dhe për pasojë 22 persona janë vrarë ndërse mbi 100 të tjerë janë plagosur.

Ka njoftime se luftime po zhvillohen edhe në qytetin Zint, në jugperendim të Tripolit.

Një gazetar zviceran thotë se kryengritësit kanë kapur disa tanke qeveritare.

Prijësit e kryengritësve në pjesën lindore të Libësë kanë zhvilluar bisedime me përfaqësues të Kombeve të Bashkuara lidhur me gjendjen humanitare atje.

Ushqimi vazhdon të sigurohet nga zonat kufitrare me Egjiptin, kurse në pjesën perendimore të vendit, fondi i OKB-së për fëmijë, UNICEF, thotë se për shkak të operacioneve ushtarake, po rritet numri i grave dhe fëmijëve të cilët kapërcejnë kufirin me Tunizinë.

Vërejtje për ndërhyrjen ushtarake

Korrespondenti diplomatik i BBC-së thotë se krahas pasigurisë për veprimet e mëtejshme duket se po shtohen edhe kritikat ndërkombëtare për aksionet kundër Libisë.

Kryeministri rus, Vladimir Putin i ka krahasuar këto aksione me marshin e kryqëzatave, megjithëse presidenti Medvedev e kritkoi menjëherë këtë kritikë.

Republika e Afrikës së Jugut e cila mbështeti rezolutën e Këshillit të Sigurimit tani kërkon ndërprerjen e menjëhershme të zjarrit.

Ka njoftime të pakonfirmuara, sipas të cilave SHBA dhe Britania e Madhe
duan që NATO-ja të kryesojë aksionet, por Franca dhe Turqia nuk pajtohen me këtë.

Midis aleatëve janë paraqitur dallime edhe nëse kolonel Gadafi është shënjestër legjitime.