Ali Abdullah Saleh ka rreth 30 vjet në postin e presidentit të Jemenit

Të paktën 140 vetë njoftohet të jenë plagosur.

Njoftimet bëjnë të ditur se snajperë që ishin pozicionuar në tarracat e ndërtesave qëlluan mbi turmat pas lutjeve të së premtes.

Forcat e sigurisë ishin duke u përpjekur për t'i larguar njerëzit nga sheshi ku ishin mbledhur.

Protestuesit kërkojnë dorëheqjen e presidentit Ali Abdullah Saleh, që ka më shumë se 30 vjetë në pushtet.

Presidenti i Jemenit, ka deklaruar se do të hartoet një kushtetutë të re dhe se vendi do të ketë një sistem të ri parlamentar.

Ai ka premtuar gjithashtu se nuk do ta zgjasë mandatin dhe as do t'ia kalojë postin të birit.

Popullsia në Jemen ankohet për varfërinë në rritje, sidomos në mesin e të rinjve si edhe për mungesën e lirive politike.

Më shumë se 40% e popullsisë jeton me më pak se 2 dollarë në ditë.

Vendi është shënuar edhe nga probleme që kanë të bëjnë me sigurinë, ku përfshihen një lëvizje separatiste në jug dhe një kryengritje e rebelëve shiitë në veri.