Kryezëdhënësi i qeverisë Yukio Edano tha se niveli i rrezatimit tashmë ka rënë

Njoftimet e lajmeve nga Japonia bëjnë të ditur se misioni u ndërpre për shkak të frikës nga nivelet e rrezatimit mbi uzinën e dëmtuar.

Më herët operatori i uzinës Fukushima Daiichi evakuoi punonjësit e vet për shkak të rritjes se nivelit të rrezatimit në tokë, por tashmë ata janë rikthyer atje.

Kryezëdhënësi i qeverisë Yukio Edano tha se niveli i rrezatimit tashmë ka rënë.

Një numër vëndesh kanë shtuar paralajmërimet për udhëtime për shkak të frikës së rrezatimit të lëshuar nga uzina bërthamore e Fukushimës.

Australia tha se të gjithë shtetasit e vetë që nuk e kanë të domosdoshme qëndrimin duhet të largohen nga Tokjo dhe nga zonat e prekura më shumë nga tërmeti dhe cunami.

Shtetasve francez që jetojnë në Tokjo u është kërkuar të largohen nga vëndi ose të shkojnë në pjesën jugore të vëndit.

Nivelet e rrezatimit në Tokjo më shumë se 250 km larg nga uzina bërthamore, janë rritur disi.