Nivele të larta radiacioni pas shpërthimit në reaktorin bërthamor

Ky paralajmërim vjen pasi uzina u godit nga një shpërthim i tretë që duket se ka dëmtuar për herë të parë një nga sistemet mbrojtëse të reaktorëve.

Nëse mbulesa mbrojtëse përshkohet atëhere ekziston frika për rrjedhje më serioze të radioacionit.

Zyrtarët e kanë zgjeruar zonën e rrezikut duke paralajmëruar banorët në një rreze prej 30 km që të largohen ose të qëndrojnë brenda ndërtesave.

Kjo krizë është shkaktuar nga tërmeti i të premtes së shkuar dhe cunamit që e pasoi atë në Japoninë veri-lindore.

Të martën në mëngjes reaktori 2 pësoi shpërthimin e tretë në katër ditë në uzinën Fukushima Daiichi.

Gjithashtu ka pasur edhe një zjarr në reaktorin 4 të uzinës, që besohet se ka shkaktuar rrjedhjen radioaktive.

Reaktori 4 ishte mbyllur para tërmetit për punime mirëmbajtëse, por shufrat e saj bërthamore të përdorura ndodhen ende në të.

Njoftohet se nivelet e radioacionit në kryeqytetin japonez, Tokio - 250 km më larg - janë më të larta se normalja, por zyrtarët thonë se nuk ka rreziqe për shëndetin.