Rreth 1000 trupa nga Arabia Saudite dhe 500 trupa nga Emiratet Arabe mbërritën në hënën në vend me ftesë të qeverisë.

Departamenti amerikane i Shtetit u ka bërë thirrje shtetasve amerikanë që të shmangin udhëtimet në Bahrein për shkak të trazirave të vazhdueshme.

Protestuesit kanë bllokuar të gjitha rrugët që të çojnë në qendrën financiare të kryeqytetit, e cila ka qënë skenë e përleshjeve ditën e djelë.

Ndihmë nga fqinjët

Irani, që është fuqia kryesore shiite në Gjirin Persik, ka thënë se mbërritja e trupave të huaja është "ndërhyrje".

Një zëdhënës i ministrisë së Jashtme iraniane tha se "prania e forcave të huaja dhe ndërhyrja në punët e brendshme të Bahreinit është e papranueshme dhe do ta komplikojë më shumë situatën."

Trupat nga një numër shtetesh të Gjirit Persik, përfshirë edhe Arabinë Saudite mbërritën në Bahrein në përgjigje të një kërkese të bërë nga mbretëria e vogël.

Ky zhvillim erdhi një ditë pasi Bahreini përjetoi dhunën më të rëndë që kur 7 protestues anti-qeveritarë humbën jetën gjatë përplasjeve me forcat e sigurisë muajin e kaluar.

Dhjetëra njerëz u plagosën ditën e djelë kur protestuesit zbrapsën policët dhe ngritën barrikada në rrugë.

Opozita në Bahrein tha se trupat e huaja në vend përbënin një pushtim.

Trupat janë pjesë e Këshillit për Bashkëpunimin në Gji, një grup rajonal prej gjashtë vendesh që përfshin Bahreinin, Arabinë Saudite, Kuvajtin, Omanin, Katarin dhe Emiratetet e Bashkuara Arabe.

Besohet se trupat do të kenë si qëllim të mbrojnë objekte kyçe si rafineritë e naftës dhe gazit si dhe institucionet financiare.