Forcat e Gaddafit godasin rebelët me artileri e avionë

Ata thonë se kanë kapur një numër trupash elitë të qeverisë dhe kanë vrarë disa të tjerë.

Deklarata e tyre nuk është konfirmuar nga burime të pavarura.

Rebelët humbasin terren

Ky njoftim erdhi disa orë pasi rebelët vetë ishin larguar nga qyteti prej forcava ajrore dhe ato tokësore besnike të udhëheqësit libian, Muammar Gaddafi.

Në pjesë të tjera të Libisë, qyteti që kontrollohej nga rebelët Ajdabiya, njoftohet se është bombarduar nga artileria e rëndë.

Ka disa ditë që forcat rebele libiane po humbin terren, përfshirë portin naftësjellës Ras Lanug ditën e shtunë.

Në qytetin e Bengazit motivimi për të luftuar është i lartë, thotë një korrespondent i BBC-së, ndërsa luftëtarë të plagosur kthehen dhe të tjerë drejtohen për në vijat e frontit.

Në frontin diplomatik, Franca po i shton përpjekjet për të bindur Këshillin e Sigurimit të OKB-së për të vendosur një zonë ndalim-fluturim mbi Libinë.

Propozimi mbështetet nga Britania e Madhe dhe Liga Arabe.

Rusia dhe Kina, që kanë të drejtën e vetos në Këshillin e Sigurimit të OKB-së, ka në shprehur rezerva serioze ndaj këtij hapi.

Britania dhe Franca kanë kërkuar marrjen e një hapi të tillë, por deri tani nuk kanë mundur të sigurojnë mbështetjen e BE-së dhe NATO-s.