Fillojnë përpjekjet për të përballuar shkatërrimet

Gjatë një fjalimi televiziv ai paralajmëroi për ndërprerje të theksuara të energjisë në ditët që do të vijnë.

Ai tha se gjendja në uzinën bërthamore të Fukushimas mbetej e rëndë një ditë pas një shpërthimi në një prej reaktorëve të saj.

Ndërkohë, policia ka paralajmëruar se numri i viktimave në prefekturën Miyagi, që u godit nga cunami, mund t'i kalojë të 10 mijë vetët.

Miliona të mbijetuar mbeten pa energji elektrike dhe autoritetet po shpejtojnë përpjekjet e ndihmës ndërsa shkalla e tragjedisë bëhet gjithnjë e më e qartë.

Rreth 310 mijë vetë janë evakuuar në strehime të emergjencës, shumica prejt të cilave janë pa energji elektrike.

Më parë zyrtarët thanë se do të dyfishonin deri në 100 mijë numrin e trupave të angazhuara në përpjekjet e ndihmës në rajonin verilindor.