Gadafi thotë se perëndimi do naftën e Libisë

Blloku prej 22 anëtarësh gjithashtu vendosi të ketë kontakt zyrtar me këshillin kalimtar të ngritur nga rebelët që kundërshtojnë kolonel Gadafin.

Më herët, forcat besnike të kolonel Gaddafit në Libi morën kontrollin e disa zonave nga forcat rebele duke i bërë ata të tërhiqen nga porti i Ras Lanouf, në lindje të kryeqytetit, Tripoli.

Luftëtarët rebelë thonë se forcat e qeverisë kishin hyrë në qytet me anije dhe me tanke për të marrë kontrollin e zonës.

Njoftimet tregojnë se ka mjaft të plagosur pasi qindra rebelë janë tërhequr me makina e kamionë në drejtim të lindjes në bregdetin mesdhetar.

Ditën e enjte, këshilltari i lartë i presidentit Obama, gjenerali James Clapper, tha se ai priste që kolonel Gaddafi ta fitonte betejën për të qëndruar në pushtet.

Ndërkohë udhëheqësit e vendeve të Bashkimit Evropian do të takohen në Bruksel dhe kanë bërë thirrje që udhëheqësi i Libisë, kolonel Gaddafi të dorëzohet.

Kancelarja gjermane, Angela Merkel, tha se ai nuk përfaqësonte më popullin e Libisë.

Presidenti francez, Nicolas Sarkozy, i ka bërë thirrje vendeve të tjera evropiane që ashtu si Franca të njohin zyrtarisht grupin opozitar në Libi, të vetëquajtur këshilli kombëtar, si një autoritet legjitim.

Ai gjithashtu ka bërë thirrje qër ngritjen e zonave humanitare në Afrikën e Veriut për të mbrojtur rfugjatët.

Por vendet e tjera të BE-së po tregohen të kujdesshme për sa i përket thirrjeve të Francës për të vendosur zonën e ndalim- fluturimit në Libi pasi për këtë duhet mbështetja e OKB-ë dhe e Lidhjes Arabe.