Ata akuzoheshin nga Prokuroria për vrasjet e kryera në ngjarjet e dhunshme të 21 janarit përpara selisë së qeverisë shqiptare, kur gjatë një përplasjeje midis demonstruesve te opozitës dhe trupave qeveritare, katër persona mbetën të vrarë dhe dhjetëra u plagosën.

Gjykata hodhi poshtë si “të pabazuara në ligj provat dhe faktet, në të cilat mbështeste dyshimet Prokuroria".

Vetë tre të pandehurit i kishin hedhur poshtë dhe më parë akuzat ndaj tyre.

Tashmë në qelitë ë paraburgimit është vetëm një ushtarak i Gardës, për të cilin ka dyshime dhe prova të forta se është implikuar në vrasjen e një prej demonstruesve.

Në seancat gjyqësore ai ka deklaruar se ka zbatuar ligjin.

Ndërkohë çështja e ngjarjeve të 21 janarit po vazhdon të jetë temë debatit gjithnjë e më të ndezur politik në Shqipëri.

Si maxhoranca ashtu dhe opozita akuzojnë njëra tjetrën si të implikuara dhe përgjegjëse për humbjen e jetës së katër personave dhe plagosjen e dhjetëra të tjerëve.

Komuniteti ndërkombëtar vazhdon të bëjë thirrje për për zbardhjen e ngjarjes pa ndërhyrjen e politikës si dhe ndëshkimin e personave përgjegjës.