Zv/sekretari amerikan i shtetit James Steinberg është në Tiranë

Zyrtari i lartë amerikan u ka kërkuar në takime të veçanta kryeministrit Berisha dhe kryetarit të opozitës Rama që të respektojnë kushtetutën dhe institucionet e pavarura.

Ai ka kërkuar që t'i jepet fund presionit ndaj prokurores së përgjithshme nga ana e qeverisë. Po ashtu Steinberg ka nënvizuar rëndësinë e mbajtjes në kohë të zgjedhjeve lokale të 8 majit.

Rëndësinë e stabilitetit të Shqipërisë, zyrtari i lartë amerikan e ka diskutuar edhe me Presidentin e Republikës Bamir Topi.

Një takim i posaçëm ka qenë ai me prokuroren e Republikës, Ina Rama për t'i shprehur asaj mbështetje për hetime të pavarura të ngjarjeve të janarit që kanë tronditur stabilitetin në Shqipëri.